HomeLATESTటెట్​ తర్వాత ఏంటి? WHAT NEXT PLAN?

టెట్​ తర్వాత ఏంటి? WHAT NEXT PLAN?

తెలంగాణాలో టెట్​ పరీక్ష ఆదివారం(జూన్​12) ప్రశాతంగా ముగిసింది. పేపర్​ కొంత టఫ్​గా వచ్చినా.. క్వాలిఫై పర్సంటేజీ పెరుగుతుంది. దీంతో డీఎస్సీలోనూ పోటీ పెరగనుంది. గత టెట్​లలో 100కు పైగా మార్కులు ఉన్న వారికి మార్కులు పెరగక పోయినా.. ఎగ్జామ్​ ప్యాటర్న్​పై కొంత అవగాహన వచ్చింది. ఈ సారి గతం కంటే భిన్నంగా ప్రశ్నలు అడిగిన తీరు ప్రతి అభ్యర్థి దృష్టిలో పెట్టుకోవాలి. అయితే టెట్​ పరీక్ష తర్వాత ఏంటి? డీఎస్సీ నోటిఫికేషన్​ ఎప్పుడు వస్తుంది? ప్రిపరేషన్​ కొనసాగించాలా.. నోటిఫికేషన్​ వచ్చాకనే చదవాలా? ముందుగా గురుకుల నోటిఫికేషన్​ వస్తుందా? డీఎస్సీ వస్తుందా? బీఈడీ అభ్యర్థులు ఎస్టీజీకి ప్రిపేరవ్వాలా? స్కూల్​ అసిస్టెంట్​, టీజీటీ, పీజీటికి ప్రిపేరవ్వాలా? టెట్​కు, డీఎస్సీకి మధ్య తేడాలేంటి? అనే విషయాలతో పాటు టెట్​ అభ్యర్థుల ప్యూచర్​ ప్లాన్​పై సలహాలు సూచనలు అందిస్తున్నాం.. పూర్తిగా చదవండి..

Advertisement
  • టెట్​ పరీక్ష ముగిసిందని పుస్తకాలు పక్కన పడేసి డీఎస్సీ నోటిఫికేషన్​ వచ్చాక చుద్దామనే ధోరణిని అభ్యర్థులు వీడాలి. ఇప్పటి నుంచి ప్రిపరేషన్​ కంటిన్యూ చేసిన వారే విజేతలుగా నిలుస్తారనే విషయాన్ని మరిచిపోవద్దు. టీచర్​ కల సాకారం చేసుకోవాలనుకునే అభ్యర్థులు మరో మూడు నెలలు ప్రిపరేషన్​ కొనసాగించాల్సిందే..

  • టెట్​ పరీక్ష బాగా రాయలేదనే ఆందోళనతో కొంత మంది నిరుత్సాహపడుతుంటారు. ఎగ్జామ్​ ముగిసింది కాబట్టి దానిని పక్కన పెట్టి డీఎస్సీలో మార్కులు ఎలా సాధనకు కృషి చేయాలి. టెట్​లో జరిగిన లోపాలను సవరించుకునే విధంగా డీఎస్సీ ప్రిపరేషన్​ కొనసాగించాలి.

  • టెట్​ సిలబస్​, డీఎస్సీ సిలబస్​తో పోల్చుకుంటే దాదాపు 80శాతం ఒకే విధంగా ఉంటుందని గమనించాలి. సైకాలజీ స్థానంలో ‘విద్యా దృక్పథాలు’ అనే సబ్జెక్ట్​ ఉంటుంది. ఇందులోనూ సైకాలజీ రిలేటెడ్​ అంశాలే ఉంటాయి. ఇక జీకే. కరెంట్​ అఫైర్స్​ ప్రశ్నలు, మిగతా టెట్​లో చదివిన కంటెంట్​ మెథడాలజీ ఉంటుంది కాబట్టి ఇప్పటి వరకు చదివిన దానితో పాటు ఎస్జీటీ అభ్యర్థులు 10వ తరగతి స్థాయి వరకు, స్కూల్​ అసిస్టెంట్​ అభ్యర్థులు ఇంటర్​ స్థాయి వరకు ప్రిపరేషన్​ కొనసాగించాలి.

డీఎస్సీ (ఎస్​జీటీ) ఎగ్జామ్​ ప్యాటర్న్​

జీకే కరెంట్ అపైర్స్​– 10 మార్కులు
విద్యాదృక్పథాలు–10 మార్కులు
తెలుగు–12 మార్కులు(9+3)
ఇంగ్లీష్​–12 మార్కులు(9+3)
మ్యాథ్స్​–12 మార్కులు(9+3)
సోషల్​స్టడీస్​–12 మార్కులు(9+3)
సైన్స్​–12 మార్కులు(9+3)

Advertisement

మొత్తం 80 మార్కులకు డీఎస్సీ ఉంటుంది. మిగతా 20 మార్కులు టెట్​ మార్కుల వెయిటేజీ ఉంటుంది. టెట్​లో సాధించిన ప్రతి 15 మార్కులకు డీఎస్సీలో 2 మార్కులు కలుపుతారు. ఈ లెక్కన అభ్యర్థులు తాము సాధించిన టెట్​ మార్కులతో డీఎస్సీలో ఎన్ని మార్కులు కలుస్తాయనేది లెక్కగట్టవచ్చు. మొత్తం 100 మార్కులతో అభ్యర్థుల మెరిట్​ తీస్తారు.

  • గురుకుల, డీఎస్సీ నోటిఫికేషన్​ ఏదీ ముందు, ఏదీ తర్వాత అనే విషయానికొస్తే అది ప్రభుత్వ నిర్ణయం కాబట్టి నోటిఫికేషన్​ ఏదీ ముందు వచ్చినా.. రాసేందుకు సిద్ధంగా ఉండాలి. బీఈడీ అభ్యర్థులు స్కూల్​ అసిస్టెంట్​కు ప్రిపేరవుతే టీజీటీ, పీజీటీతో పాటు స్కూల్​ అసిస్టెంట్​ రాసేందుకు అవకాశం ఉంటుంది. ఎస్టీజీకి ప్రిపేరవుతే గురుకుల పరీక్షకు కొంత ఇబ్బంది ఉంటుంది. కాబట్టి అభ్యర్థులు ఏదైనా ఒక పోస్టుకు మాత్రమే ప్రిపేరవ్వడం ఉత్తమం.

  • ప్రస్తుతం రాష్ట్రంలో పనిచేస్తున్న టీచర్ల ప్రమోషన్లు, బదిలీలు పూర్తయిన తర్వాతనే డీఎస్సీ నోటిఫికేషన్​ ఉంటుందని సమాచారం. ఇదంతా పూర్తయ్యే వరకు మరో మూడు నెలల సమయం పడుతుంది. ఈ సమయాన్ని అభ్యర్థులు సద్వినియోగం చేసుకోవాలి. డీఎస్సీకి సిలబస్​ విస్తృతంగా ఉంటుంది కాబట్టి కనీసం 6 నెలల సమయం అభ్యర్థికి తప్పనిసరి అవసరం. నోటిఫికేషన్​ వచ్చాకే చదువుతామని అనుకుంటే అప్పటికి ప్రభుత్వం సమయం ఇవ్వకుంటే ఇబ్బంది పడాల్సి వస్తుంది. కాబట్టి ప్రతి రోజు కనీసం 6 గంటల సమయం కేటాయిస్తే మీ ప్రిపరేషన్​ ఆగకుండా ఉంటుంది.

Advertisement
  • టెట్​ ప్రిపరేషన్​ కోసం మీరు సేకరించుకున్న మెటీరియిల్​తో పాటు ప్రస్తుతం విద్యాసంవత్సరం నుంచి రాష్ట్ర ప్రభుత్వం తెలుగు, ఇంగ్లీష్ మీడియం విద్యార్థుల కోసం రెండు భాషల్లో పాఠ్యపుస్తకాలను ప్రచురించింది. వాటిని మీరు సేకరించుకోవడం మంచింది. ఎందుకంటే జూన్​ 12న జరిగిన టెట్​లో ఇచ్చిన ప్రశ్నల్లో ఇంగ్లీష్ భాష పదాలతో కొన్ని ప్రశ్నలు అడిగారు. వాటిని పాఠ్యపుస్తకాల్లో గమనించవచ్చు. కొత్త పుస్తకాలతో ప్రిపేరవ్వం ద్వారా తెలుగులో అర్థం కాని అంశాలను ఇంగ్లీష్​లో అర్ధం చేసుకుని జవాబులు గుర్తు పెట్టుకోవచ్చు. ఫైనల్లీ.. మీ ప్రిపరేషన్​ ఎట్టి పరిస్థితుల్లోనూ ఆపొద్దు.. మీకు కావాల్సిన మెటీరియల్​, బిట్​బ్యాంక్​ ‘మెరుపులు వెబ్​సైట్​ merupulu.com లో అందుబాటులో ఉంటుంది. సద్వినియోగం చేసుకోగలరు.

PRACTICE TESTS FOR ALL EXAMS

RELATED POSTS

DAILY TESTS

TELANGANA HISTORY CULTURE

GENERAL SCIENCE

CURRENT AFFAIRS

REASONING

INDIAN GEOGRAPHY

1 COMMENT

LEAVE A REPLY

Please enter your comment!
Please enter your name here

RECENT POSTS

x
error: Content is protected !!