ఏపీ మహిళాభివృద్ధి, శిశు సంక్షేమ శాఖ.. చైల్డ్ వెల్ఫేర్ కమిటీలు (CWC),జువెనైల్ జస్టిస్ బోర్డులలో ఖాళీగా ఉన్న ఉద్యోగాల భర్తీకి నోటిఫికేషన్ విడుదల చేసింది. ఈ నోటిఫికేషన్ ద్వారా 182 పోస్టులను భర్తీ చేయనున్నారు. పోస్టులను భట్టి విద్యార్హత నిర్ణయించారు. అభ్యర్థులు డిసెంబర్ 22 వరకు ఈ ఉద్యోగాల కోసం అప్లై చేసుకోవచ్చు. 35 నుంచి 65 ఏళ్ల మధ్య వయస్సు ఉన్న వారు ఈ పోస్టులకు అర్హులు. ఈ నోటిఫికేషన్ కు సంబంధించిన పూర్తి వివరాలను ఇప్పుడు తెలుసుకుందాం.
పూర్తి వివరాలు:
ఈ నియామక ప్రక్రియను ఏపీ జువెనైల్ వెల్ఫేర్, కరెక్షనల్ సర్వీసెస్ & వెల్ఫేర్ ఆఫ్ స్ట్రీట్ చిల్డ్రన్ శాఖ (JWCS&WSC AP) నిర్వహిస్తోంది. జిల్లాకు 7 పోస్టుల చొప్పున మొత్తం 26 జిల్లాల్లో 182 ఉద్యోగాలను భర్తీ చేయనున్నారు.
మొత్తం పోస్టులు- 182 పోస్టులు
పోస్టులు- CWC ఛైర్పర్సన్ , JJB సోషల్ వర్కర్
1.CWC ఛైర్పర్సన్ పోస్టులు :130 పోస్టులు
2. JJB సోషల్ వర్కర్ : 52 పోస్టులు
అప్లికేషన్ విధానం: అభ్యర్థులు ఆన్లైన్ విధానంలో అప్లై చేసుకోవాల్సి ఉంటుంది.
అప్లికేషన్లకు చివరి తేదీ: డిసెంబర్ 22 వరకు అభ్యర్థులు అప్లై చేసుకోవచ్చు.
వెబ్సైట్: https://wdcw.ap.gov.in/
విద్యార్హత:
- చైల్డ్ వెల్ఫేర్ కమిటీ (CWC) ఛైర్పర్సన్ & సభ్యులు :
విద్యార్హత: ఏదైనా గుర్తింపు పొందిన యూనివర్సిటీ నుంచి సైకియాట్రీ, సోషియాలజీ, హెల్త్ సైన్సెస్, విద్యా, న్యాయ రంగాలలో డిగ్రీ ఉన్న వారికి ప్రాధాన్యత ఇస్తారు. తప్పనిసరిగా.. ఏపీ నివాసి అయి ఉండాలి.
అనుభవం: పిల్లల సంక్షేమం, ఆరోగ్యం లేదా విద్యా రంగంలో కనీసం ఏడు సంవత్సరాల అనుభవం ఉండాలి. లేదా సంబంధిత డిగ్రీతో ప్రాక్టీస్ చేస్తున్న వృత్తి నిపుణులై ఉండాలి.
- జువెనైల్ జస్టిస్ బోర్డు (JJB) సామాజిక కార్యకర్త సభ్యులు:
విద్యార్హత: ఏదైనా గుర్తింపు పొందిన యూనివర్సిటీ నుంచి సైకియాట్రీ, సోషియాలజీ, హెల్త్ సైన్సెస్, విద్యా, న్యాయ రంగాలలో డిగ్రీ ఉన్న వారికి ప్రాధాన్యత ఇస్తారు.
అనుభవం: పిల్లల సంక్షేమం, ఆరోగ్యం లేదా విద్యా రంగంలో కనీసం ఏడు సంవత్సరాల అనుభవం ఉండాలి. ప్రభుత్వానికి సంబంధించిన బాలల కార్యక్రమాలలో కనీసం 3 సంవత్సరాల అనుభవం ఉన్నవారికి ప్రాధాన్యత ఉంటుంది.
వయస్సు:
ఈ పోస్టులకు అప్లై చేసుకునే అభ్యర్థులు 35 ఏళ్ల నుంచి 65 ఏళ్ల మధ్య వయస్సు ఉండాలి.
జీతం:
ఈ పోస్టులు సాధారణ ప్రభుత్వ ఉద్యోగాలు కావు. ఎంపికైన అభ్యర్థులకు ప్రభుత్వం నిర్ణయించిన మేరకు గౌరవ వేతనం / సిట్టింగ్ అలవెన్స్ చెల్లిస్తారు.
అప్లికేషన్ విధానం :
అర్హత, ఆసక్తిగల అభ్యర్థులు WCD AP అధికారిక వెబ్సైట్ https://wdcw.ap.gov.in/ ద్వారా డిసెంబర్ 22 వరకు ఆన్లైన్లో అప్లై చేసుకోవచ్చు.
