యూనియన్ బ్యాంకులో 500 అప్రెంటిస్ ఖాళీలు​

యూనియన్ బ్యాంక్ ఆఫ్ ఇండియా, మానవ వనరుల శాఖ, సెంట్రల్ ఆఫీస్- దేశవ్యాప్తంగా యూబీఐ శాఖల్లో 500 అప్రెంటిస్ ఖాళీల భర్తీకి ఆన్‌లైన్ అప్లికేషన్స్​ కోరుతోంది. తెలంగాణలో 42 ఖాళీలు ఉన్నాయి.

అర్హతలు: గుర్తింపు పొందిన యూనివర్సిటీ/ సంస్థ నుంచి గ్రాడ్యుయేషన్ ఉత్తీర్ణులై ఉండాలి. ట్రైనింగ్​ ఏడాది ఉంటుంది. నెలకు రూ.15,000 చెల్లిస్తారు.

సెలెక్షన్​: ఆన్‌లైన్ టెస్ట్ (ఆబ్జెక్టివ్ టైప్), లోకల్ లాంగ్వేజ్ నాలెడ్జ్ టెస్ట్, మెడికల్ ఎగ్జామినేషన్, సర్టిఫికెట్ వెరిఫికేషన్ ఆధారంగా ఫైనల్​ సెలెక్షన్​ ఉంటుంది.

ఎగ్జామ్​ ప్యాటర్న్​: జనరల్/ ఫైనాన్షియల్ అవేర్‌నెస్ (25 ప్రశ్నలు- 25 మార్కులు), జనరల్ ఇంగ్లీష్ (25 ప్రశ్నలు- 25 మార్కులు), క్వాంటిటేటివ్ అండ్‌ రీజనింగ్ ఆప్టిట్యూడ్ (25 ప్రశ్నలు- 25 మార్కులు), కంప్యూటర్ నాలెడ్జ్ (25 ప్రశ్నలు- 25 మార్కులు).

అప్లికేషన్స్​: అర్హులైన అభ్యర్థులు ఆన్​లైన్​లో సెప్టెంబర్‌ 17వ తేదీలోగా అప్లై చేసుకోవచ్చు. జనరల్‌/ ఓబీసీలకు రూ.800. ఎస్సీ/ ఎస్టీ/ మహిళా అభ్యర్థులకు రూ.600. దివ్యాంగులకు రూ.400 అప్లికేషన్​ ఫీజు చెల్లించాలి. వివరాలకు www.unionbankofindia.co.in వెబ్​సైట్​లో సంప్రదించాలి.