కొత్త షెడ్యూల్ ప్రకారం, యూజీసీ నెట్ డిసెంబర్-2021 ఫేజ్-2 పరీక్షలు డిసెంబర్ 24 నుంచి డిసెంబర్ 30 వరకు జరగనున్నాయి. ఫేజ్-1లో రీషెడ్యూల్ చేసిన పేపర్లను డిసెంబర్ 30న నిర్వహించనున్నారు. దీనికి సంబంధించిన పరీక్ష తేదీల‌ను విడుదల చేసింది.
ఫేజ్1తో పాటు ఫేజ్2
యూనివర్సిటీల్లో అసిస్టెంట్ ప్రొఫెసర్ల అర్హత, పీహెచ్డీ ప్రవేశాల కొరకు ఏటా నిర్వహించే యూజీసీ నెట్ పరీక్ష ఫేజ్-1 పరీక్షలు ఇటీవలే పూర్తయ్యాయి. ఇంకా ఫేజ్-2 పరీక్షలు జరగాల్సి ఉంది. మరోవైపు, జవాద్ తుఫాను కారణంగా ఆంధ్రప్రదేశ్లోని కొన్ని ప్రాంతాల్లో వాయిదా పడ్డ ఫేజ్-1 పరీక్షలను కూడా నిర్వహించాల్సి ఉంది. దీంతో, ఫేజ్-1లో మిగిలిపోయిన ఏరియాలతో పాటు ఫేజ్-2 పరీక్షల కోసం కొత్త టైమ్ టేబుల్ విడుదల చేసింది. నేషనల్ టెస్టింగ్ ఏజెన్సీ అధికారిక వెబ్సైట్ www.nta.ac.inలో కొత్త షెడ్యూల్ చెక్ చేసుకోవచ్చు. కొత్త షెడ్యూల్ ప్రకారం, యూజీసీ నెట్ డిసెంబర్-2021 ఫేజ్-2 పరీక్షలు డిసెంబర్ 24 నుంచి డిసెంబర్ 30 వరకు జరగనున్నాయి. లేబర్ వెల్ఫేర్, సోషల్ వర్క్, ఒడియా, తెలుగు సహా ఫేజ్- 1లో రీషెడ్యూల్ చేసిన పేపర్లను 2021 డిసెంబర్ 30న నిర్వహించనున్నట్లు అధికారిక నోటీస్ పేర్కొంది.
రోజు రెండు షిఫ్ట్లు
యూజీసీ నెట్ పరీక్షలు రెండు షిఫ్ట్లో జరగనున్నాయి. మొదటి షిఫ్ట్ ఉదయం 9 గంటల నుంచి 12 గంటల వరకు ఉంటుంది. రెండో షిప్ట్‌ను మధ్యాహ్నం 3 గంటల నుంచి సాయంత్రం 6 గంటల వరకు నిర్వహించనున్నారు.ఫేజ్-1 పరీక్షను నవంబర్ 20, 21, 22, 24, 25, 26, 29, 30, డిసెంబర్ 1, 3, 4, 5 తేదీల్లో కంప్యూటర్ బేస్ట్ టెస్ట్ విధానంలో నిర్వహించారు.
యూజీసీ నెట్ పరీక్షను సాధారణంగా ప్రతి ఏడాది రెండు సార్లు నిర్వహిస్తారు. అయితే, కరోనా కారణంగా డిసెంబర్ 2020 పరీక్షలు వాయిదా పడటం వల్ల, జూన్-2021 షెడ్యూల్ ఆలస్యమైంది.
రూల్స్ పాటిస్తూ ఎగ్జామ్
ప్రస్తుతం దేశంలో కరోనా విపత్కర పరిస్థితుల దృష్ట్యా అన్ని పరీక్షలను కరోనా నిబంధనలకు అనుగుణంగా నిర్వహిస్తున్నారు. అభ్యర్థులు మాస్క్ ధరించడం, సోషల్ డిస్టెన్స్ తప్పనిసరి. అభ్యర్థులకు ఏవైనా సందేహాలుంటే ఎన్టీఏ హెల్ప్డెస్క్ 011-40759000 నెంబర్ను సంప్రదించాల్సి ఉంటుంది. అభ్యర్థులు పరీక్ష కేంద్రానికి వెళ్లే ముందు జారీ చేసిన మార్గదర్శకాలను చదవాలని యూజీసీ సూచించింది. పరీక్షకు వారం రోజుల ముందే అధికారిక వెబ్సైట్లో అడ్మిట్ కార్డులు అందుబాటులోకి వస్తాయి.
