టెట్​ రిజల్ట్ ఆలస్యం​

తెలంగాణాలో జూన్​ 12న నిర్వహించిన టీచర్​ ఎలిజిబులిటీ టెస్ట్​ (టెట్​)–2022 ఫలితాలు ఆలస్యం కానున్నాయి. ముందుగా ప్రకటించిన విధంగా ఈ నెల 27న టెట్​ ఫలితాలు విడుదలవుతాయని టెట్​ రాసిన 3.5లక్షల మంది అభ్యర్థులు ఆసక్తిగా ఎదురుచూస్తున్నారు. అయితే ఇప్పటి వరకు ఫైనల్​ రిలీజ్​ కాకపోవడం మరిన్ని ఇతర కారణాల వల్ల టెట్​ ఫలితాల విడుదలలో జాప్యం జరుగుతున్నట్టు సమాచారం. జూన్​ 15న టెట్​ ప్రిలిమినరీ ‘కీ’ని విడుదల చేసిన టెట్​ అధికారులు 18వ తేదీ వరకు అభ్యంతరాలు స్వీకరించారు.

పేపర్​–1 సంబంధించి 5 ప్రశ్నలకు గాను 7వేలకు పైగా, పేపర్​–2 సంబంధించి 2 ప్రశ్నలకు 2వేలకు పైగా అభ్యంతరాలు వచ్చాయి. వీటిని పరిగణనలోకి తీసుకుని ఫైనల్​ ‘కీ’ ని విడుదల చేయాల్సి ఉంటుంది. కానీ షెడ్యూల్​ ప్రకారం మరో రెండ్రోజుల్లో టెట్​ ఫలితాలు విడుదల కావాల్సి ఉన్నా… ఇప్పటి వరకు టెట్​ ఫైనల్​ ’కీ’ విడుదల కాకపోవడంపై అభ్యర్థులు ఆందోళన చెందుతున్నారు. ఇప్పటి వరకు నిర్వహించిన అన్ని టెట్​ పరీక్షలకు ప్రాథమిక ‘కీ’తో పాటు ఫైనల్​ ‘కీ’ విడుదల చేసిన తర్వాతనే ఫలితాలను ప్రకటించారు. కానీ ఈ సారి మాత్రం టెట్​ ఫైనల్​’కీ’ విడుదల చేయకుండానే.. డైరెక్ట్​గా ఫలితాలు విడుదల చేసేందుకు అధికారులు సిద్ధమవుతున్నట్టు సమాచారం. అయితే రిజల్ట్స్​ ఏ తేదీన విడుదల చేస్తారనేదానిపై స్పష్టత రావాల్సి ఉంది. జులై మొదటి వారంలో విడుదల చేసే అవకాశాలు ఉన్నట్లు విద్యాశాఖ వర్గాలు అంచనాగా చెబుతున్నాయి.