తెలంగాణ టెట్‌ ఫలితాలు రేపే

తెలంగాణలో ఉపాధ్యాయ అర్హత పరీక్ష (టీజీ టెట్​) ఫలితాలు బుధవారం (జూన్‌ 12న) విడుదల కానున్నాయి. మే 20న ప్రారంభమైన పరీక్షలు జూన్‌ 2తో ముగియగా మరుసటి రోజే ప్రిలిమ్స్​ కీ, రెస్పాన్స్‌ షీట్స్‌ను విద్యాశాఖ అధికారులు విడుదల చేశారు. పేపర్ల వారీగా కీని అందుబాటులో ఉంచిన అధికారులు వీటిపై అభ్యంతరాలు తెలిపేందుకు అవకాశం కల్పించారు. టెట్‌ పేపర్‌-1కు 99,958 మంది, పేపర్‌-2కు 1,86,423 మంది దరఖాస్తులు చేసుకోగా పేపర్‌-1కి 86.03 శాతం మంది, పేపర్‌-2కి 82.58 శాతం మంది హాజరయ్యారు.