తెలంగాణ గ్రూప్-1 (TSPSC GROUP 1 RESULTS) ప్రిలిమినరీ పరీక్ష ఫలితాలు విడుదలయ్యాయి. ప్రిలిమ్స్ ఎగ్జామ్ లో వచ్చిన మార్కుల మెరిట్తో పాటు రిజర్వేషన్ల ప్రకారం ఒక్కో పోస్టుకు 50 మంది అభ్యర్థులను టీఎస్పీఎస్సీ గ్రూప్ 1 మెయిన్స్ రాతపరీక్షలకు ఎంపిక చేసింది. మొత్తం 25150 మంది అభ్యర్థులు క్వాలిఫై అయినట్లుగా ప్రకటించింది. శుక్రవారం రాత్రి టీఎస్పీఎస్సీ గ్రూప్ 1 ప్రిలిమ్స్ ఫలితాలను విడుదల చేసింది. ప్రిలిమ్స్ క్వాలిఫై అయిన అభ్యర్థుల లిస్ట్ ను అఫిషియల్ వెబ్సైట్లో tspsc.gov.in అందుబాటులో ఉంచింది.
మూడు నెలల తర్వాత టీఎస్పీఎస్సీ ఈ రిజల్ట్ విడుదల చేసింది. రిజర్వేషన్లు, స్థానికతకు సంబంధించి హైకోర్టులో దాఖలైన కేసులతో ఫలితాల విడుదలలో జాప్యం జరిగింది. రెండు రోజుల కిందట హైకోర్టు క్లియరెన్స్ రావటంతో ఫలితాల విడుదలకు లైన్ క్లియర్ అయింది.
503 గ్రూప్ 1 పోస్టులకు అక్టోబర్ 16న టీఎస్పీఎస్సీ ప్రిలిమినరీ పరీక్ష నిర్వహించింది. రాష్ట్రవ్యాప్తంగా మొత్తం 2,85,916 మంది ఈ పరీక్షకు హాజరయ్యారు. అదే నెల 29న టీఎస్పీఎస్సీ ప్రిలిమినరీ కీ విడుదల చేసింది. అభ్యంతరాలు, నిపుణుల కమిటీ సూచనలతో 5 ప్రశ్నలను తొలిగించి నవంబర్ 15న ఫైనల్ కీ రిలీజ్ చేసింది.
ప్రిలిమ్స్ రిజల్ట్ వెలువడటంతో మే నెలలో గ్రూప్ 1 మెయిన్స్ పరీక్షలు నిర్వహించే అవకాశముంది. అభ్యర్థుల ప్రిపరేషన్కు కనీసం మూడు నెలల టైమ్ ఉండేలా..జూన్ లో మెయిన్స్ షెడ్యూలు ఉంటుందని టీఎస్పీఎస్సీ ప్రకటించింది.
గ్రూప్ 1 రిజల్ట్స్ డైరెక్ట్ లింక్ కోసం ఇక్కడ క్లిక్ చేయండి
TSPSC GROUP 1 PRELIMINARY EXAM 2022 RESULTS