తెలంగాణలో టీఎస్​పీఎస్​సీ TSPSC మరో నోటిఫికేషన్​ విడుదల చేసింది. రాష్ట్రంలో ఖాళీగా ఉన్న డ్రగ్​ ఇన్​స్పెక్టర్​ పోస్టులను భర్తీ చేయాలని నిర్ణయించింది. మొత్తం 18 పోస్టుల భర్తీకి నోటిఫికేషన్​ జారీ చేసింది. డ్రగ్స్​ కంట్రోల్​ అడ్మినిస్ట్రేషన్​ డిపార్టుమెంట్​ పరిధిలో ఈ ఖాళీలున్నాయి. ఈనెల 16వ తేదీ నుంచి 2023 జనవరి 5వ తేదీ వరకు ఆన్ లైన్ లో అప్లికేషన్లు స్వీకరించనుంది. తగిన అర్హతలున్న అభ్యర్థులు టీఎస్​పీఎస్​సీ వెబ్​సైట్​ ద్వారా అప్లై చేసుకోవాలని సూచించింది. ఈ నోటిఫికేషన్​కు సంబంధించిన పూర్తి వివరాలు, అప్లికేషన్ ప్రొఫార్మాను టీఎస్​పీఎస్​సీ అఫిషియల్​ వెబ్​సైట్​లో (tspsc.gov.in) అప్​లోడ్​ చేయనుంది. గురువారం సాయంత్రం టీఎస్​పీఎస్​సీ ఈ ప్రకటన విడుదల చేసింది.