టీఎస్​పీఎస్సీ ఏఈఈ పోస్టుల అప్లికేషన్ల గడువు పెంపు

ఏఈఈ ఉద్యోగాలకు అప్లై చేసుకునే గడువును టీఎస్​పీఎస్​సీ మరో అయిదు రోజుల పాటు పొడిగించింది. తెలంగాణా స్టేట్ పబ్లిక్ సర్వీస్ కమీషన్ (TSPSC) భారీ ఎత్తున అసిస్టెంట్​ ఎగ్జిక్యూటివ్ ఇంజనీర్​ పోస్టుల భర్తీకి ఇటీవలే నోటిఫికేషన్ విడుదల చేసింది. ప్రభుత్వంలోని వివిధ విభాగాల్లో ఖాళీగా ఉన్న 1540 అసిస్టెంట్​ ఎగ్జిక్యూటివ్​ ఇంజనీర్ (AEE) పోస్టులను భర్తీ చేయనుంది. ముందుగా ప్రకటించిన మేరకు.. సెప్టెంబర్​ 22 నుంచి మొదలైన అప్లికేషన్ల ప్రక్రియ అక్టోబర్​ 15 నాటికి ముగిసింది. అభ్యర్థుల నుంచి వచ్చిన విజ్ఞప్తుల మేరకు ఈ గడువును అక్టోబర్​ 20వ తేదీ వరకు పొడిగిస్తున్నట్లు టీఎస్​పీఎస్​సీ ప్రకటన విడుదల చేసింది.