ఎస్ఐ, కానిస్టేబుల్ ఈవెంట్లకు హాజరవుతున్న అభ్యర్థులందరూ తప్పనిసరిగా పలు జాగ్రత్తలు పాటించాలని.. బోర్డు విధించిన నిబంధనలు తెలుసుకోవాలని తెలంగాణ పోలీస్ నియామక మండలి టీఎస్ఎల్పీఆర్బీ (TSLPRB) స్పష్టం చేసింది. రాష్ట్ర వ్యాప్తంగా 11 కేంద్రాల్లో డిసెంబర్ 8వ తేదీ నుంచి ఈవెంట్స్ జరుగుతాయని ప్రారంభించనున్నట్లు బోర్డు ప్రకటించింది. ఫిజికల్ మెజర్మెంట్ టెస్ట్ (పీఎంటీ) / ఫిజికల్ ఎఫిషియెన్సీ టెస్ట్ (పీఈటీ) కు దాదాపు 2.50 లక్షల మంది అభ్యర్థులు హాజరవుతున్నారు. వీరందరూ ఈవెంట్స్కు అటెండయ్యే ముందు ఖచ్చితంగా పాటించాల్సిన నిబంధనలు..
1. అభ్యర్థులు తమ అడ్మిట్ కార్డును వెంట తెచ్చుకోవాలి. అడ్మిట్ కార్డులు ఈనెల 29వ తేదీ నుంచి డిసెంబర్ 3వ తేదీ వరకు టీఎస్ఎల్పీఆర్బీ వెబ్సైట్లో అందుబాటులో ఉంటాయి. వాటిని డౌన్లోడ్ చేసుకొని A4 సైజు ప్రింటవుట్ తీసుకోవాలి.
2. పార్ట్ 2 అప్లై చేసినపుడు డౌన్లోడ్ చేసుకున్న పార్ట్ 2 దరఖాస్తు ఫారం ప్రింటవుట్ కాపీని వెంట తీసుకురావాలి. దీనిని అభ్యర్థి తన సంతకం చేయాలి.
4. కమ్యూనిటీ సర్టిఫికెట్.. అంటే క్యాస్ట్ సర్టిఫికెట్ను కంపల్సరీగా వెంట తీసుకురావాలి. ఎస్సీ, ఎస్టీ, బీసీ అభ్యర్థులందరూ కుల ధ్రువీకరణ పత్రం తెచ్చుకోవటం తప్పనిసరి.
