తెలంగాణ అపెక్స్ బ్యాంక్ లో మేనేజర్ పోస్టులు

తెలంగాణ స్టేట్ కో-ఆపరేటివ్ అపెక్స్ బ్యాంక్‌ లిమిటెడ్ లో మేనేజర్​ పోస్టుల భర్తీకి నోటిపికేషన్​ విడుదలైంది. రాష్ట్ర వ్యాప్తంగా ఉన్న టీఎస్‌సీఏబీ బ్రాంచీల్లో ఖాళీగా ఉన్న 40 మేనేజర్, స్టాఫ్ అసిస్టెంట్ పోస్టులను భర్తీ చేయనుంది. అర్హులైన అభ్యర్థులు పోస్టులకు అనుగుణంగా ఆన్ లైన్​లో వేర్వేరు అప్లికేషన్స్ దాఖలు చేయాల్సి ఉంటుంది. అక్టోబర్ 16వ తేదీ వరకు దరఖాస్తు చేసుకునేందుకు తుది గడువుగా నిర్ణయించారు.

పోస్టులు: మొత్తం 40 ఖాళీలు ఉన్నాయి.
మేనేజర్(స్కేల్-1)– 27,
స్టాఫ్ అసిస్టెంట్– 13 పోస్టులు అందుబాటులో ఉన్నాయి.

అర్హతలు; ఏదైనా డిగ్రీ ఉత్తీర్ణులై ఉండాలి. కనీసం 55 శాతం మార్కులుండాలి. వయసు 20 నుంచి 28 సంవత్సరాల మధ్య ఉండాలి.

సెలెక్షన్ ప్రాసెస్: మేనేజర్ పోస్టులకు ప్రిలిమినరీ ఎగ్జామినేషన్(ఆబ్జెక్టివ్), మెయిన్ ఎగ్జామినేషన్(ఆబ్జెక్టివ్ & డిస్క్రిప్టివ్) ఆధారంగా, స్టాఫ్ అసిస్టెంట్ పోస్టుకు ప్రిలిమినరీ ఎగ్జామినేషన్(ఆబ్జెక్టివ్), మెయిన్ ఎగ్జామినేషన్(ఆబ్జెక్టివ్) ఆధారంగా నియమిస్తారు.

అప్లికేషన్స్: ఆన్ లైన్​లో అప్లై చేసుకోవాలి. అక్టోబర్ 16 వరకు దరఖాస్తు చేసుకోవాలి. ప్రిలిమ్స్ పరీక్ష నవంబర్లో నిర్వహిస్తారు. వివరాలకు  www.tscab.org వెబ్సైట్ సంప్రదించాలి.