తెలంగాణ టెట్​ ఫలితాలు జులై1న విడుదల చేయాలని రాష్ట్ర విద్యాశాఖ మంత్రి పి. సబితా ఇంద్రారెడ్డి విద్యాశాఖ అధికారులను ఆదేశించారు. మంగళవారం మంత్రి చాంబర్​లో జరిగిన సమావేశంలో విద్యాశాఖ పనితీరుపై సమీక్ష జరిపారు. ఈ సమావేశంలో ప్రభుత్వ కార్యదర్శి వాకాటి కరుణ, విద్యాశాఖ సంచాలకులు దేవసేన, ఎస్​​సీఈఆర్​టీ డైరెక్టర్​ (టెట్​ కన్వీనర్​) రాధారెడ్డి, ప్రభుత్వ పరీక్షల సంచాలకులు కృష్ణారావు పాల్గొన్నారు. ఈ సందర్భంగా టెట్​ ఫలితాలపై సమీక్షించిన మంత్రి ఎలాంటి జాప్యం చేయకుండా జులై 01న ఫలితాలను విడుదల చేయాలని ఆదేశాలు జారీ చేశారు. జూన్​ 12న జరిగిన టెట్​ పరీక్షకు పేపర్​–1, పేపర్​–2 కలిపి సుమారు 3.8 లక్షల మంది హాజరయ్యారు.