తెలంగాణ ఎంసెట్ (TS EAMCET 2023) షెడ్యూల్ విడుదలైంది. మే 7 నుంచి 11 వరకు ఎంసెట్ పరీక్షలు నిర్వహించనున్నట్లు రాష్ట్ర ఉన్నత విద్యామండలి ఛైర్మన్‌ లింబాద్రి ప్రకటించారు. ఈనెల 28న ఎంసెట్ నోటిఫికేషన్‌ వెలువడుతుంది. మార్చి 3 నుంచి ఏప్రిల్‌ 4 వరకు అప్లికేషన్లు స్వీకరించనున్నారు. లేట్ ఫీజు చెల్లించి మే 2 వ తేదీ వరకు ఎంసెట్ దరఖాస్తులు స్వీకరిస్తారు. ఏప్రిల్‌ 30 నుంచి ఎంసెట్ హాల్‌టికెట్లు డౌన్‌లోడ్‌ చేసుకోవచ్చని కన్వీనర్ తెలిపారు. ఈసారి ఎంసెట్కు ఇంటర్ మార్కుల వెయిటేజీ ఎత్తివేశారు. కేవలం ఎంసెట్ ఎంట్రన్స్లో వచ్చే మార్కుల ఆధారంగా ఇంజనీరింగ్ అడ్మిషన్లు చేపడుతారు. బీఎస్సీ నర్సింగ్ అడ్మిషన్లు కూడా ఈసారి ఎంసెట్ ద్వారానే చేపడుతారు.
పీజీ ఈసెట్‌ షెడ్యూల్
పీజీ ఈసెట్‌ షెడ్యూల్ విడుదలైంది. ఈ నెల 28న పీజీ ఈసెట్‌ నోటిఫికేషన్‌ వెలువడుతుంది. మార్చి 3 నుంచి ఏప్రిల్‌ 30 వరకు దరఖాస్తులు స్వీకరిస్తారు. లేట్ ఫీజు చెల్లించి మే 24 వరకు అప్లికేషన్లకు తుది గడువుగా నిర్ణయించారు. మే 21 నుంచి పీజీ ఈసెట్‌ హాల్‌టికెట్లను వెబ్‌సైట్‌లో అందుబాటులో ఉంచనున్నారు. మే 29 నుంచి జూన్‌ 1 వరకు ఈ పరీక్షలను నిర్వహిస్తారు.
