తెలంగాణలో డిగ్రీ కాలేజీల్లో సీట్లు అలాటయ్యాయి. డిగ్రీ ఆన్​లైన్​ సర్వీసెస్​ తెలంగాణ (దోస్త్ )ఫస్ట్ ఫేజ్​లో 1.12లక్షల మందికి సీట్లు కేటాయించారు. అత్యధికంగా కామర్స్​లో 37.55 శాతం మంది కామర్స్​ కోర్సులను ఎంచుకోగా.. 23.55 శాతం మంది లైఫ్​ సైన్స్​ కోర్సులను ఎంచుకున్నారు. ఆర్ట్ కోర్సుల్లో 14,825 మందికి సీట్లు అలాటయ్యాయి. 51 కాలేజీల్లో ఒక్క స్టూడెంట్ చేరలేదు. ఆగస్ట్​ 6 నుంచి సెకండ్ ఫేజ్ రిజిస్ర్టేషన్లు, వెబ్ ఆప్షన్లు మొదలైనట్లు ఉన్నత విద్యామండలి ప్రకటించింది. 77 శాతం మంది ఫస్ట్ ప్రియార్టీ ఇచ్చిన కాలేజీల్లోనే సీట్లు ఖరారయ్యాయి. అలాటైన కాలేజీల వివరాలను విద్యార్థుల మొబైల్​ ఫోన్లకు ఎస్​ఎంఎస్​ (SMS) ద్వారా పంపించారు.

మీ కాలేజీ తెలియాలంటే.. 79010 02200 నెంబర్​కు వాట్సప్​ చేయండి

ఎస్ఎంఎస్​ ద్వారా సమాచారం అందని విద్యార్థులు వాట్సప్​ ద్వారా తమ కాలేజీల వివరాలను పొందే సౌలభ్యం ఉంది. విద్యార్థులు తాము రిజిస్టర్​ చేసుకున్న మొబైల్​ నెంబర్​ నుంచి 79010 02200 నెంబర్​కు వాట్సప్​ చేసి Hi అని టైప్​ చేయండి. దోస్త్ నుంచి వెల్​కమ్​ మెసేజ్​ తో పాటు పది వివరాలతో మీకు రిప్లై వస్తుంది. అందులో ’7’వ నెంబర్ My Allotment అని చూపిస్తుంది. 7 నెంబర్​ ​ టైప్ చేసి మీరు రిప్లై ఇవ్వండి. అలాటైన కాలేజీ వివరాలు మీకు చేరుతాయి. ​