తెలంగాణ గురుకులాల్లో ఆర్ట్ టీచర్ (Art Teachers) పోస్టులకు నోటిఫికేషన్ వెలువడింది. ఇప్పటికే డిగ్రీ లెక్చరర్లు, జూనియర్ లెక్చరర్లు, పీజీటీ నోటిఫికేషన్ విడుదల చేసిన తెలంగాణ రెసిడెన్షియల్ ఎడ్యుకేషనల్ ఇన్స్టిట్యూషన్స్ రిక్రూట్మెంట్ బోర్డు (TREI-RB) తాజాగా ఈ ప్రకటన విడుదల చేసింది. రాష్ట్రంలోని వివిధ రెసిడెన్షియల్ విద్యాసంస్థల్లో మొత్తం 132 ఆర్ట్ టీచర్ పోస్టుల ఖాళీలను భర్తీ చేయనుంది.
ఈ నెల 24వ తేదీ నుంచి మే 24వ తేదీ వరకు అప్లికేషన్లు స్వీకరిస్తారు. పదో తరగతి పాసై ఉండి.. ఆర్ట్ కు సంబంధించిన డిప్లోమా, బీఎఫ్ఏ, డిగ్రీ పూర్తి చేసిన అభ్యర్థులు ఈ పోస్టులకు అర్హులు. ముందుగా ఓటీఆర్ చేసిన అనంతరం అప్లికేషన్లు అధికారిక వెబ్సైట్ లింక్ ద్వారా treirb.telangana.gov.in నమోదు చేసుకోవాలి. డిటైల్డ్ నోటిఫికేషన్ తో పాటు సిలబస్ పరీక్షా విధానం ఈ పీడీఎఫ్లో అందుబాటులో ఉన్నాయి.