రెండేండ్ల నుంచి ప్రభుత్వ ఉద్యోగులు, ఉపాధ్యాయులు ఎదురుచూస్తున్న డీఏను రాష్ట్ర కేబినేట్ క్లియర్ చేసింది. గత ఏడాది డిసెంబర్ నాటికి పెండింగ్లో ఉన్న నాలుగు డీఏల్లో.. మూడింటికి ఆమోదం తెలిపింది. దీంతో ఉద్యోగులకు బేసిక్ పే కు 10.01 శాతం డీఏ యాడ్ కానుంది. డిసెంబర్ నాటికి నాలుగు డీఏలు పెండింగ్ ఉన్నాయంటూ ఆర్థికశాఖ కేబినేట్కు నివేదించింది. అందులో మూడింటికి సీఎం కేసీఆర్ క్లియరెన్స్ ఇచ్చారు. దీంతో నేడో రేపో అధికారికంగా ఉత్తర్వులు వెలువడనున్నాయి.
2013 నుంచి 2019 డిసెంబరు 31వరకు అమలు చేసిన కరువు భత్యాల(డీఏల) మొత్తం 30.392 శాతాన్ని పాత వేతనాల్లో విలీనం చేసి, ఫిట్‌మెంట్‌తో కలిపి కొత్త వేతనాలను అమలు చేశారు. ఆ తర్వాత నుంచి ఇప్పటి వరకూ డీఏలు పెండింగ్‌లోనే పడిపోయాయి. పెండింగ్లో ఉన్న డీఏలన్నీ కలిపితే రాష్ట్ర ఉద్యోగులకు డీఏల మొత్తం 12.74 శాతం రావాలి. వీటిలో మూడింటికి ఆమోదం రావటంతో 10.01 శాతం డీఏ ఉద్యోగులకు అందనుంది.
కేబినేట్ ఆమోదించిన డీఏలు
జనవరి, 2020 3.64
జూలై, 2020 2.73
జనవరి, 2021 3.64
