తెలంగాణ రాష్ట్ర గురుకుల విద్యాలయాల సంస్థ (TREIS) ఆధ్వర్యంలో నిర్వహించే TGRJC CET-2026 అప్లికేషన్ గడువు ముగియనుంది. రాష్ట్ర వ్యాప్తంగా ఉన్న 35 రెసిడెన్షియల్ జూనియర్ కాలేజీల్లో, ఇంటర్ ఫస్ట్ ఇయర్ అడ్మిషన్లకు ఈ పరీక్ష.. నిర్వహిస్తున్నారు. రేపటితో (ఏప్రిల్ 15) అప్లికేషన్ ప్రక్రియ ముగియనుంది కాబట్టి, ఆసక్తి గల అభ్యర్థులు వెంటనే ఆన్లైన్ ద్వారా అప్లై చేసుకోవాలని అధికారులు సూచిస్తున్నారు.
టీజీఆర్ జేసీ సెట్-2026: అడ్మిషన్ల పూర్తి వివరాలు
తెలంగాణలోని ప్రతిభావంతులైన గ్రామీణ విద్యార్థులకు కార్పొరేట్ స్థాయి విద్యను అందించడమే లక్ష్యంగా ప్రభుత్వం ఈ గురుకుల కాలేజీలను నిర్వహిస్తోంది.
MPC (Mathematics, Physics, Chemistry)
BiPC (Biology, Physics, Chemistry)
MEC (Mathematics, Economics, Commerce)
అప్లకేషన్ అర్హతలు:
విద్యార్హత:
అభ్యర్థులు 2025-26 విద్యా సంవత్సరంలో టెన్త్ (SSC) పరీక్షలకు హాజరై ఉండాలి. మొదటి ప్రయత్నంలోనే ఉత్తీర్ణత సాధించడం తప్పనిసరి.
నివాసం: అభ్యర్థి తెలంగాణ రాష్ట్రానికి చెందిన వారై ఉండాలి.
ఆదాయ పరిమితి: విద్యార్థుల తల్లిదండ్రుల వార్షిక ఆదాయం గ్రామీణ ప్రాంతాల్లో రూ. 1.50 లక్షలు, పట్టణ ప్రాంతాల్లో రూ. 2.00 లక్షలకు మించకూడదు.
పరీక్షా సరళి:
ప్రవేశ పరీక్ష ఆబ్జెక్టివ్ విధానంలో (OMR Based) ఉంటుంది. టెన్త్ సిలబస్ ఆధారంగా ప్రశ్నలు అడుగుతారు.
మొత్తం మార్కులు: 150
సమయం: 2 గంటల 30 నిమిషాలు
ఒక్కో గ్రూపునకు సంబంధించి నిర్ణీత సబ్జెక్టుల నుంచి ప్రశ్నలు వస్తాయి. ఉదాహరణకు.. MPC విద్యార్థులకు ఇంగ్లీష్, మ్యాథ్స్, ఫిజికల్ సైన్స్ నుంచి ప్రశ్నలు ఉంటాయి.
అప్లికేషన్ విధానం:
ఆసక్తి గల విద్యార్థులు అధికారిక వెబ్సైట్ ద్వారా రూ. 200 అప్లికేషన్ ఫీజు చెల్లించి ఆన్లైన్లో అప్లై చేసుకోవాలి. ఫోటో, సంతకం స్కాన్ చేసి అప్లోడ్ చేయాల్సి ఉంటుంది.
