గ్రూప్-1 ప్రిలిమినరీ పరీక్షల హాల్ టికెట్లను తెలంగాణ పబ్లిక్ సర్వీస్ కమిషన్ (TGPSC) ఈ రోజు విడుదల చేస్తోంది. మధ్యాహ్నం 2 గంటల తర్వాత అభ్యర్థులు తమ హాల్ టికెట్లను డౌన్ లోడ్ చేసుకోవచ్చు. హాల్ టికెట్లను డౌన్లోడ్ చేసుకునేందుకు కమిషన్ వెబ్సైట్లో ప్రత్యేక లింకు పెట్టనుంది. అభ్యర్థులు తమ ఐడీ నెంబర్, పుట్టిన తేదీ వివరాలు నమోదు చేసి హాల్ టికెట్లను డౌన్లోడ్ చేసుకోవాలి.
హాల్ టికెట్లను డౌన్ లోడ్ చేసుకున్న అభ్యర్థులు అందులో ఉన్న తమ వ్యక్తిగత వివరాలు సరిగ్గా ఉన్నాయా లేదా చెక్ చేసుకోవాలి. వాటిలో ఏమైనా పొరపాట్లు దొర్లితే అభ్యర్థులు ప్రత్యేకంగా డిక్లరేషన్ సమర్పించాల్సి ఉంటుంది. అందుకు సంబంధించిన వివరాలన్నీ కమిషన్ తమ వెబ్సైట్లో అందుబాటులో ఉంచింది. ముందుగా ప్రకటించిన మేరకు జూన్ 9న గ్రూప్ 1 ప్రిలిమినరీ పరీక్షను నిర్వహించేందుకు టీజీపీఎస్సీసీ పూర్తి ఏర్పాట్లు చేసింది.
