గ్రూప్ 3 పరక్షలపై టీజీపీఎస్సీ కీలక నిర్ణయం వెలువడింది. గ్రూప్ 3 హాల్ టికెట్లను నవంబర్ 10వ తేదీ నుంచి టీజీపీఎస్సీ వెబ్సైట్ లో అందుబాటులో ఉంచుతామని ప్రకటన జారీ చేసింది. ఇప్పటికే ప్రకటించిన షెడ్యూలు ప్రకారం నవంబరు 17, 18 తేదీల్లో రాత పరీక్షలు నిర్వహించేందుకు ఏర్పాట్లు వేగవంతం చేసింది. నవంబరు 17వ తేదీ ఉదయం 10 నుంచి మధ్యాహ్నం 12.30 గంటల వరకు పేపర్-1, మధ్యాహ్నం 3 నుంచి సాయంత్రం 5.30 గంటల వరకు పేపర్-2 పరీక్ష నిర్వహిస్తారు. నవంబరు 18న ఉదయం 10 నుంచి మధ్యాహ్నం 12.30 గంటల వరకు పేపర్-3 పరీక్ష ఉంటుంది. ఉదయం జరిగే పరీక్షలకు 9.30 తర్వాత, మధ్యాహ్నం జరిగే పరీక్షకు 2.30 అనంతరం పరీక్ష కేంద్రాల్లోకి అనుమతించబోమని స్పష్టం చేసింది.
అభ్యర్థులు డౌన్లోడ్ చేసుకున్న హాల్ టికెట్ కాపీని భద్రంగా పెట్టుకోవాలని, తొలిరోజు పేపర్-1 పరీక్షకు ఉపయోగించిన హాల్ టికెట్ను మిగతా పరీక్షలకు ఉపయోగించాలని కమిషన్ కార్యదర్శి డాక్టర్ నవీన్ నికోలస్ తెలిపారు. ప్రశ్నపత్రాలు, హాల్ టికెట్లను నియామక ప్రక్రియ ముగిసేవరకు భద్రంగా పెట్టుకో వాలని సూచించారు. హాల్ టికెట్లు డౌన్ లోడ్ చేసుకునేటప్పుడు ఏమైనా సాంకేతిక ఇబ్బందులు ఉంటే.. పనిదినాల్లో ఉదయం 10.30 నుంచి సాయంత్రం 5 గంటల వరకు 040-23542185, 040-23542187 ఫోన్ నంబర్లలో సంప్రదించాలి.
నోట్: హాల్ టికెట్లు డౌన్లోడ్ చేసుకునేందుకు డైరెక్ట్ లింక్ ఇక్కడ అందుబాటులో ఉంది. నవంబర్ 10వ తేదీ నుంచి హాల్ టికెట్లు అందుబాటులో ఉంటాయి.
