గ్రూప్ 2 పరీక్షకు దరఖాస్తు చేసుకున్న అభ్యర్థులకు తెలంగాణ పబ్లిక్ సర్వీస్ కమిషన్ ఎడిట్ ఆప్షన్ ఇచ్చింది. ఇప్పటికే అప్లై చేసుకున్న అభ్యర్థులు తమ దరఖాస్తుల్లో ఏమైన సవరణలు, మార్పులు చేయాల్సి ఉంటే సరి చేసుకోవాలని సూచించింది. ఈ నె 16వ తేదీ నుంచి 20వ తేదీ వరకు ఎడిట్ ఆప్షన్ అందుబాటులో ఉంటుందుని ప్రకటన జారీ చేసింది. ఇదే తుది అవకాశమని స్పష్టం చేసింది. మొత్తం 783 పోస్టులకు 2022 డిసెంబర్లో గ్రూప్ 2 పరీక్షకు నోటిఫికేషన్ విడుదలైంది. ఇప్పటికే ప్రకటించిన షెడ్యూలు ప్రకారం ఆగస్ట్ 7, 8 తేదీల్లో గ్రూప్ 2 పరీక్ష నిర్వహించాల్సి ఉంది. తుది అవకాశంగా అభ్యర్థులకు ఎడిట్ ఆప్షన్ ఇవ్వటంతో.. గ్రూప్ 2 పరీక్షలు ప్రకటించిన షెడ్యులు ప్రకారమే జరిగే అవకాశాలు కనిపిస్తున్నాయి.
