తెలంగాణలో ఈసారి ఇంజనీరింగ్​ సీట్ల సంఖ్య 1,14,826. యూనివర్సిటీల పరిధిలోని ప్రభుత్వ, ప్రైవేట్‌ ఇంజినీరింగ్‌ కళాశాలలతో పాటు ప్రైవేట్​ యూనివర్సిటీల పరిధిలో ఉన్న సీట్లన్నీ కలిపితే మొత్తం సీట్ల సంఖ్య 1,14,826కు చేరుకుంది. వీటిలో కౌన్సిలింగ్​ ద్వారా కన్వీనర్‌ కోటా కింద మొత్తం 83,863 సీట్లను భర్తీ చేస్తారు. ఇంజనీరింగ్​ కోర్సు బ్రాంచీల వారీగా రాష్ట్రంలో అందుబాటులో ఉన్న సీట్ల వివరాలను కూడా ఉన్నత విద్యాశాఖ వెల్లడించింది. గతంతో పోలిస్తే ఈ ఏడాది కొత్తగా పాలమూరు, శాతవాహన వర్సిటీల పరిధిలో రెండు ప్రభుత్వ కళాశాలలు పెరిగాయి. ఐదు ప్రైవేట్‌ కళాశాలలు తగ్గాయి. వాటిలో రెండు కళాశాలలు డీమ్డ్‌ వర్సిటీలుగా మారగా.. ఒకటి ప్రైవేట్‌ వర్సిటీలో కలిసింది. మరో రెండు కాలేజీలు అసలు దరఖాస్తు చేసుకోలేదు. ఈఎప్‌సెట్‌ వెబ్‌ ఆప్షన్ల ప్రక్రియ ఆదివారం సాయంత్రం 6 గంటల సమయంలో ప్రారంభమైంది.

మొత్తం ఇంజనీరింగ్​ సీట్లు

బ్రాంచీల వారీగా సీట్లు