తెలంగాణలో ఇంజనీరింగ్, అగ్రికల్చర్, ఫార్మసీ కోర్సుల్లో చేరాలనుకునే విద్యార్థులకు కీలక అప్డేట్ వచ్చేసింది. 2026 విద్యా సంవత్సరానికి సంబంధించి టీజీ ఈఏపీసెట్ పరీక్షల షెడ్యూల్ను అధికారులు విడుదల చేసారు. ఈ ఏడాది ఇంటర్ మొదటి, రెండో సంవత్సరం నుంచి 100 శాతం సిలబస్తో పరీక్షలు నిర్వహించనున్నారు. ఈ పరీక్షలకు సంబంధించిన అధికారిక నోటిఫికేషన్ ఫిబ్రవరి 14న విడుదల కానుండగా.. ఆన్లైన్ అప్లికేషన్ ప్రక్రియ ఫిబ్రవరి 19 నుంచి ప్రారంభం కానుంది. ఎలాంటి అదనపు ఫీజు లేకుండా అభ్యర్థులు అప్లై చేసుకోవడానికి ఏప్రిల్ 4వరకు అవకాశం ఉంటుంది.
- TG EAPCET-2026 (ఇంజనీరింగ్, అగ్రికల్చర్ & ఫార్మసీ): పూర్తి వివరాలు
నోటిఫికేషన్ విడుదల: ఫిబ్రవరి 14వ తేదీన అధికారిక నోటిఫికేషన్ విడుదల చేస్తారు.
అప్లికేషన్ ప్రక్రియ ప్రారంభం: ఫిబ్రవరి 19 నుంచి అభ్యర్థులు ఆన్ లైన్ విధానంలో అప్లై చేసుకోవచ్చు.
అప్లికేషన్లకు చివరి తేదీ:ఏప్రిల్ 4వరకు అభ్యర్థులు అప్లై చేసుకోవడానికి అవకాశం ఉంటుంది.
అగ్రికల్చర్ & ఫార్మసీ: మే 4, 5 తేదాల్లో పరీక్షలు నిర్వహిస్తారు.
ఇంజనీరింగ్: మే 9 నుంచి 11 వరకు ఇంజనీరింగ్ పరీక్షలు జరుగుతాయి.
TG PGECET-2026 :
బీటెక్ పూర్తి చేసి ఎం.టెక్, ఎం.ఫార్మసీ వంటి పీజీ కోర్సుల్లో చేరాలనుకునే విద్యార్థుల కోసం పీజీఈసెట్( TG PGECET-2026) షెడ్యూల్ విడుదలైంది. ఈ పరీక్ష ద్వారా రాష్ట్రంలోని ప్రముఖ కాలేజీల్లో అడ్మిషన్లు పొందవచ్చు. పీజీఈసెట్ అధికారిక నోటిఫికేషన్ ఫిబ్రవరి 23న విడుదల కానుండగా..అభ్యర్థులు ఫిబ్రవరి 27 నుంచి ఆన్లైన్లో అప్లై చేసుకోవచ్చు. లేట్ ఫీజు లేకుండా మే 6 వరకు అప్లై చేసుకోవడానికి అవకాశం ఉంటుంది.
పూర్తి వివరాలు:
అధికారిక నోటిఫికేషన్ విడుదల: ఫిబ్రవరి 23 న అధికారిక నోటిఫికేషన్ విడుదల చేస్తారు.
అప్లికేషన్లు ప్రారంభం: అభ్యర్థులు ఫిబ్రవరి 27 నుంచి ఆన్లైన్లో అప్లై చేసుకోవచ్చు.
అప్లికేషన్లకు చివరి తేదీ: లేట్ ఫీజు లేకుండా అప్లై చేయడానికి చివరి తేదీ మే 6.
పరీక్షల షెడ్యూల్:
TG PGECET పరీక్షలు.. మే 28 నుంచి మే 31 వరకు జరుగుతాయి.
గేట్ (GATE), జీప్యాట్ (GPAT) అర్హత సాధించని విద్యార్థులు ఈ పరీక్ష ద్వారా పీజీ కోర్సుల్లో సీట్లు పొందవచ్చు.
