ఆగస్టు 7న ఎస్​ఐ, ఆగస్టు 21న కానిస్టేబుల్​ ఎగ్జామ్స్​ నిర్వహించనున్నారు. కొంతమందికి నెగెటివ్ మార్కులపై  అనుభవం ఉన్నా చాలా మందికి అవగాహన లేదు. దీంతో రానున్న పరీక్షల్లో విజయం సాధించాలంటే ప్రశ్నలు ఏవిధంగా అడుగుతున్నారు,  ఎలాంటి జాగ్రత్తలు తీసుకోవాలో తెలుసుకుందాం.. 

సీరియస్​ ఆస్పిరెంట్స్​ మాత్రమే సెలెక్షన్​ విధానంలో ఉండాలనేది నెగెటివ్ మార్కుల ముఖ్య ఉద్దేశం. గతంలో జరిగిన ఎస్​ఐ పరీక్షలో అన్ని ప్రశ్నలకు ఒకే సమాధానం పెట్టి, బార్డర్​లో క్వాలిఫై అయ్యి ఉద్యోగం సాధించిన వారు చాలా మందే ఉన్నారు.  నెగెటివ్​ మార్కుల్లో ముఖ్యమైన అంశం ఎలిమినేషన్​ పద్ధతి. నాలుగు సమాధానాల్లో ఒక దాని తర్వాత ఒకటి తొలగించుకుంటూ పోతూ చివరగా సమాధానం కరెక్టుగా రాబట్టడమే ఈ ప్రాసెస్​ ముఖ్య ఉద్దేశం. 

ఎలిమినేషన్​ మెథడ్​లో రీజనింగ్​, అర్థమెటిక్​ సబ్జెక్టుల నుంచి ఆన్సర్స్​ గుర్తించడం చాలా కష్టం. ఇది కేవలం జనరల్​ స్టడీస్​లోని సబ్జెక్టులకు ఎక్కువ ఉపయోగపడుతుంది. ప్రామాణిక పుస్తకాలు కాకుండా స్థానిక మెటీరియల్​ చదివిన స్టూడెంట్స్​ నెగెటివ్​ మార్కుల విషయంలో జాగ్రత్తగా ఉండాలి. విశ్లేషణాత్మకంగా ఆలోచించడం పరీక్షలోనే కాదు, ఉద్యోగంలో చాలా అవసరం అని నెగెటివ్ మార్కింగ్​ విధానం పోలీస్​ పరీక్షలో ప్రవేశపెట్టారు. 

• ఎస్​ఐ, కానిస్టేబుల్​ ప్రిపేరయ్యే అభ్యర్థులు క్వాలిఫై అయ్యే వ్యూహం సాధారణంగా రెండు విధాలుగా ఉంటుంది. ఒకటి రీజనింగ్​ అండ్​ అర్థమెటిక్​ సబ్జెక్ట్​పై ఎక్కువ ఫోకస్​ చేయడం. రెండోది జనరల్​ స్టడీస్​ సబ్జెక్టులను చదువుకొని విజయం సాధించడం. నెగెటివ్​ మార్కింగ్ ఉండడం వలన రీజనింగ్​ అర్థమెటిక్​ నమ్ముకోవడం కంటే జనరల్​ స్టడీస్​ లోని అంశాలపై ఫోకస్​ చేయడం ఉత్తమం. 
• ప్రిలిమ్స్​లో 20% నెగెటివ్​ మార్కింగ్​ ఉంటుంది. ఎస్​ఐ మెయిన్స్​లోని పేపర్​1, పేపర్​2, పార్ట్​ A ఆబ్జెక్టివ్​ పరీక్షలో మాత్రం నెగెటివ్​ మార్కులు ఉన్నాయి. మెయిన్స్​ ఎస్​ఐ క్వాలిఫై పేపర్​లో ఆబ్జెక్టివ్​ క్వశ్చన్​ పేపర్​లో 25 మార్కులకు ఉంటుంది. ఇందులో మాత్రమే నెగెటివ్ మార్కింగ్​ ఉంటుంది. 
• 20% నెగెటివ్​ మార్కులు  ఉన్నాయంటే 100 మార్కులకు ఆన్సర్​ చేస్తే, వాటిలో 20 ప్రశ్నలు తప్పయితే ఫైనల్​గా వచ్చేది 76 మార్కులు మాత్రమే. 20 ప్రశ్నలు తప్పుగా సమాధానం పెట్టడంతో వచ్చిన 80 మార్కుల నుంచి 4 మార్కులు తొలగిస్తారు. తప్పనిసరిగా ఆన్సర్​ తెలిస్తేనే ప్రశ్న అటెంప్ట్ చేయాలి. లేకుంటే వచ్చిన మార్కులు కోల్పోవాల్సి ఉంటుంది.  

గెస్​ చేస్తే మార్క్స్​ లాస్​

నెగెటివ్​ మార్కుల ప్రభావం వంద శాతం అర్థమెటిక్​ సబ్జెక్ట్ మీద ఉంటుంది. ప్రశ్నకు సమాధానం తెలిస్తేనే ఆన్సర్​ చేయాలి. ఇందులో గెస్​ చేసి ఆన్సర్​ చేస్తే మార్కులు తగ్గే అవకాశం ఉంది. 

క్షేత్రగణితం: ఈ టాపిక్​ నుంచి ఇచ్చే క్వశ్చన్స్​కి ఆన్సర్​ చేయాలంటే ఎక్కువ సమయం పడుతుంది. ఇందులో డైరెక్ట్​ ఫార్ములా బేస్డ్​ ప్రశ్న వస్తే అటెంప్ట్​ చేయాలి. నాన్​ మ్యాథ్స్​ బ్యాగ్రౌండ్ ఉన్న అభ్యర్థులు ఫార్ములా ఆధారంగా వచ్చే ప్రశ్నలు ఆన్సర్​ చేస్తే టైమ్​ సేవ్​ అయ్యే చాన్స్​ ఉంటుంది. 

నంబర్​ సిస్టమ్​: ఈ అంశం నుంచి వచ్చే ప్రశ్నలు సులభంగా అర్థం చేసుకోవచ్చు. ప్రశ్న చూడగానే దానికి తగిన ఆలోచన వస్తే ఆన్సర్​ చేయడం ఉత్తమం. ఎక్కువగా ఆలోచిస్తే సమయం వృథా అవుతుంది. 

క్లాక్​ (గడియారాలు): ఇందులో కొంతవరకు ఎలిమినేషన్​ పద్ధతి అనుసరించవచ్చు. క్యాలెండర్​ టాపిక్​లో మాత్రం కచ్చితంగా ఆన్సర్​ తెలియాల్సిందే. 

కాలం-పని, పని-వేతనం, కాలం-దూరం: ఈ  టాపిక్స్​ కాన్సెప్ట్​ ఒకదానికి మరొకటి అనుసంధానమై ఉంటుంది.  కాబట్టి విశ్లేషణాత్మకంగా ఆలోచించి ఆన్సర్​ చేయాలి. కొంచెం లోతుగా ఆలోచిస్తే ఆప్షన్స్ ఎలిమినేట్ చేస్తూ సరైన ఆన్సర్​ గుర్తించవచ్చు. 

నిష్పత్తి-అనుపాతం, సరాసరి అండ్​ పర్సంటేజ్​: ఈ టాపిక్స్ నుంచి వచ్చే ప్రశ్నలకు కొంచెం సమయం పట్టినా ఆన్సర్​ మాత్రం చేయొచ్చు. మ్యాథ్స్​, నాన్​ మ్యాథ్స్​ స్టూడెంట్స్​ ఎవరైనా ఇందులో వచ్చే క్వశ్చన్స్​కు ఆన్సర్​ గుర్తించడం సులభంగా ఉంటుంది. 

సాధారణ వడ్డీ ప్రశ్నలు కొంత వరకు లాజిక్​ మీద ఆధారపడి చేయవచ్చు. కాని చక్రవడ్డీకి సంబంధించిన ప్రశ్నలు పూర్తిగా, లోతుగా ప్రాక్టీస్​ చేస్తేనే అటెంప్ట్ చేయాలి. లేకుంటే సమయం వృథా అవుతుంది. 

భాగస్వామ్యం నుంచి వచ్చే ప్రశ్నలు షార్ట్​ కట్ తెలియకుంటే ఆన్సర్​ చేయడానికి 2 నుంచి 5 నిమిషాల వరకు సమయం పడుతుంది. లాభ–నష్టాలు టాపిక్​ నుంచి పూర్తిగా ఫార్ములా ఆధారిత ప్రశ్నలు వస్తాయి.  సూత్రాలు గుర్తుంటేనే ఆన్సర్​ చేయడం ఉత్తమం. 

ఎలిమినేషన్​ మెథడ్​ 

ఎస్​ఐ, కానిస్టేబుల్​ పరీక్షలో ఉండే జనరల్​ స్టడీస్ సబ్జెక్ట్ గ్రూప్స్​ పరీక్షతో పోల్చుకుంటే సులువుగా ఉంటుంది. పోలీస్​ పరీక్షలో జనరల్​ స్టడీస్​ నుంచి లిమిటెడ్ సిలబస్​లో ప్రశ్నలు అడుగుతారు. ఇందులో ఎలిమినేషన్​ పద్ధతి ఉపయోగకరంగా ఉంటుంది. ఒక సబ్జెక్ట్​ మీద కనీసం10 మార్కులు తక్కువ కాకుండా ప్రశ్నలు అడుగుతారు. 

సింగిల్​ స్టేట్​మెంట్​ క్వశ్చన్స్​

ఏకరూప ప్రశ్నలు(సింగిల్​ స్టేట్​మెంట్ ప్రశ్నలు)  లోకల్​ మెటీరియల్​పై ఆధారపడి చదివిన వారికి కొంతమేరకు సులువుగా ఉంటుంది. కాని ప్రామాణికమైన పుస్తకాలు చదివితే చాలా సులువుగా సమాధానాలు గుర్తించవచ్చు. మొత్తం 100 ప్రశ్నల్లో కనీసం ఏకరూప ప్రశ్నలు 20 నుంచి 25 వరకు వచ్చే చాన్స్​ ఉంటుంది. నెగెటివ్​ మార్కుల విధానంలో జనరల్​ స్టడీస్​ అంశానికి సంబంధించి ఏకరూప ప్రశ్నలకు రెండో ప్రాధాన్యం ఇవ్వడం మంచిది.  ఈ ప్రశ్నలతో సమయం ఆదా చేసుకోవడంతో పాటు, మంచి మార్కులు సాధించవచ్చు. ఎలిమినేషన్​ పద్ధతి ఇలాంటి క్వశ్చన్స్​కు ఎక్కువగా కలిసి వస్తుంది. 

అర్థం చేసుకుంటే ఈజీ

జతపరిచే ప్రశ్నలు సరిగ్గా అర్థం చేసుకుంటే సమాధానం గుర్తించడం ఈజీగా ఉంటుంది. మొత్తం 100 ప్రశ్నల్లో 15 నుంచి 20 ప్రశ్నలు ఇలాంటివి వచ్చే అవకాశం ఉంది. ఈ ప్రశ్నలకు ఆన్సర్​ గుర్తిస్తే కాన్పిడెన్స్​తో పాటు క్వాలిఫై అయ్యే మార్కులు ఈజీగా పొందవచ్చు.  కరెంట్​ అఫైర్స్​ విషయంలో న్యూస్​ పేపర్లే కాకుండా, మ్యాగజైన్స్​ చదవాలి.

రీజనింగ్​ ప్రాక్టీస్​ 

• మొత్తం 50 ప్రశ్నల్లో దాదాపుగా 20 ప్రశ్నలను సులువుగా రీజనింగ్​లో ఆన్సర్​ చేయవచ్చు. ఈ సబ్జెక్టులో ఎలిమినేషన్​ మెథడ్​ బాగా ఉపయోగపడుతుంది. ఒకే సబ్​ టాపిక్​ కు సంబంధించిన ప్రశ్నలు దాదాపు 5 వరకు ఉంటాయి. ఆ సబ్​టాపిక్​ మీద సంపూర్ణంగా అవగాహన ఉంటే అత్యధిక మార్కులు సాధించవచ్చు. 
• నాన్​వెర్బల్​ ప్రశ్నలకు కొంత సమయం కేటాయిస్తే ప్రాక్టీస్ లేకుండా సమాధానాలు గుర్తించవచ్చు. 
• వెర్బల్​ రీజనింగ్​ నుంచి వచ్చే ప్రశ్నలకు ఆన్సర్​ చేయాలంటే ప్రాక్టీస్​ తప్పనిసరి. ఇంతకుముందే ఈ టాపిక్​ ప్రిపేరై ఉంటే ప్రశ్నలను ఈజీగా అటెంప్ట్ చేయవచ్చు. 
• జడ్జ్​మెంట్, డెసిషన్​ మేకింగ్​ ప్రశ్నలు పూర్తిగా కమాండ్ ఉంటేనే అటెంప్ట్ చేయాలి తప్ప, లేకపోతే సమయంతో పాటు మార్కులు కోల్పోవాల్సి ఉంటుంది. 
• విజువల్​ మెమొరీ ప్రశ్నలు కొంతవరకు  సులువుగా సమాధానం గుర్తించవచ్చు, కానీ ఆ ప్రశ్న ఏ కోణంలో అడుగుతున్నారో గమనిస్తే ఆన్సర్​ చేయవచ్చు. 
• స్పాటియల్​ విజువలైజేషన్​ క్వశ్చన్స్​ గమనిస్తే తక్కువ సమయంలోనే మంచి మార్కులు సాధించడంతో పాటు, సమయం కలిసి వచ్చి, పరీక్ష హాల్​లో కాన్ఫిడెన్స్​ పెరుగుతుంది. 
• అనాలజీ టాఫిక్​కి ఎలిమినేషన్​ మెథడ్ ఈజీగా, మంచి స్కోర్​ రాబట్టవచ్చు. కానీ ఆ అనాలజీని సరైన క్రమంలో, సందర్భానుసారం ఆలోచించాలి.  లేకుంటే సులువుగా వచ్చే మార్కులు కోల్పోయి, క్వాలిఫై అయ్యే మార్కులు కోల్పోవాల్సి వస్తుంది. 
• సిమిలారిటీస్​ అండ్​ డిఫరెన్సెస్​ ప్రశ్నలకు సమాధానాలు రాయడం సులువు, కాని సరైన క్రమంలో గుర్తించి, తక్కువ సమయంలోనే సమాధానం వచ్చేట్లు ఉంటేనే అటెంప్ట్ చేయాలి.
• ప్రాబ్లమ్​ అండ్ సాల్వింగ్ అనాలసిస్​ నుంచి వచ్చే క్వశ్చన్స్ కు సమాధానం గుర్తించాలంటే గతంలో ఇలాంటి మోడల్స్​ మీద ప్రాక్టీస్​ చేయాలి. లేకపోతే ఇబ్బంది పడడంతో పాటు ఎగ్జామ్​ హాల్​లో కాన్ఫిడెన్స్​ కోల్పోయే అవకాశం ఉంది.