తెలంగాణ ఇంటర్మీడియట్ బోర్డు (TSBIE) 2026 వార్షిక పరీక్షల నిర్వహణలో కీలక మార్పులకు శ్రీకారం చుట్టింది. విద్యార్థుల హాల్ టికెట్లను నేరుగా తల్లిదండ్రుల వాట్సాప్ నంబర్లకు పంపాలని నిర్ణయం తీసుకుంది. పరీక్షల నిర్వహణలో పారదర్శకతను పెంచడం, విద్యార్థులకు ఇబ్బందులు కలగకుండా చూడటమే ఈ నిర్ణయం వెనుక ఉన్న ప్రధాన ఉద్దేశ్యంగా తెలుస్తోంది.
పరీక్షా కేంద్రానికి వెళ్ళిన తర్వాత హాల్ టికెట్లలో తప్పులు గమనించి కంగారు పడకుండా ఉండేందుకు బోర్డు ఈ ‘ప్రివ్యూ’ సౌకర్యాన్ని కల్పించింది. ఈ నేపథ్యంలోనే తల్లిదండ్రుల రిజిస్టర్డ్ మొబైల్ నంబర్లకు హాల్ టికెట్ డౌన్లోడ్ లింక్ పంపించనున్నారు. దీని ద్వారా వివరాలను ముందుగానే సరి చూసుకోవచ్చు.
డౌన్లోడ్ చేసుకోవడం ఎలా ?
విద్యార్థులు బోర్డు అధికారిక వెబ్సైట్ నుంచి కూడా వీటిని డౌన్ లోడ్ చేసుకోవచ్చు.
ఫస్ట్ ఇయర్ (1st Year): SSC రోల్ నంబర్, పుట్టిన తేదీ వివరాలతో డౌన్లోడ్ చేసుకోవచ్చు.
సెకండ్ ఇయర్ (2nd Year): ఫస్ట్ ఇయర్ హాల్ టికెట్ నంబర్, పుట్టిన తేదీ ఎంటర్ చేయాల్సి ఉంటుంది.
తప్పులు ఉంటే ఏం చేయాలి ?
ఒకవేళ హాల్ టికెట్లో పేరు, ఫోటో, సంతకం, సబ్జెక్టులు లేదా మీడియం వంటి వివరాల్లో పొరపాట్లు ఉంటే.. వెంటనే సంబంధిత కాలేజీల ప్రిన్సిపాల్ను సంప్రదించి సరి చేసుకోవాలని బోర్డు సూచించింది.
ఇంటర్ ఫస్ట్ ఇయర్ టైమ్ టేబుల్ :
25-02-2026 పార్ట్ 1 (సెకండ్ లాంగ్వేజ్)
27-02-2026 పార్ట్ 2 (ఇంగ్లీష్ పేపర్-1)
02-03-2026 మ్యాథ్స్-1A, బోటనీ, పొలిటికల్ సైన్స్
05-03-2026 మ్యాథ్స్-1B, జువాలజీ, హిస్టరీ
09-03-2026 ఫిజిక్స్, ఎకానమిక్స్
12-03-2026 కెమిస్ట్రీ, కామర్స్
17-03-2026 మోడ్రన్ లాంగ్వేజ్-1, జియోగ్రఫీ-1
సెకండ్ ఇయర్ టైమ్ టేబుల్ :
26-02-2026 పార్ట్ 2 (సెకండ్ లాంగ్వేజ్)
28-02-2026 పార్ట్ 1 (ఇంగ్లీష్ పేపర్-2)
04-03-2026 మ్యాథ్స్-2A, బోటనీ, పొలిటికల్ సైన్స్
06-03-2026 మ్యాథ్స్-2B, జువాలజీ, హిస్టరీ
10-03-2026 ఫిజిక్స్, ఎకానమిక్స్
13-03-2026 కెమిస్ట్రీ, కామర్స్
16-03-2026 పబ్లిక్ అడ్మినిస్ట్రేషన్, బ్రిడ్జి కోర్సు మ్యాథ్స్-2
18-03-2026 మోడ్రన్ లాంగ్వేజ్-2, జియోగ్రఫీ-2
