తెలంగాణలో.. ఉపాధ్యాయులు ఎంతో ఆసక్తిగా ఎదురుచూస్తున్న ఇన్-సర్వీస్ టెట్ (TET) ఫలితాలు అధికారికంగా విడుదలయ్యాయి. విద్యాశాఖ డైరెక్టర్ నవీన్ నికోలస్ ఈ ఫలితాలను ప్రకటించారు. ఈ నెలలో జరిగిన ఈ కంప్యూటర్ ఆధారిత పరీక్షలకు సంబంధించి ఉపాధ్యాయులు తమ మార్కుల వివరాలను ఆన్‌లైన్ ద్వారా తెలుసుకోవచ్చు. పాఠశాల విద్య శాఖ అధికారిక వెబ్‌సైట్‌లో టెట్ ఫలితాలు అందుబాటులో ఉంచినట్లు వెల్లడించింది.
సెప్టెంబర్ 8, 9 తేదీల్లో కంప్యూటర్ ఆధారిత (CBT) విధానంలో ఈ టెట్ పరీక్షలు విజయవంతంగా నిర్వహించారు. ఈ పరీక్షలకు మొత్తం 24,986 మంది ఉపాధ్యాయులు అప్లై చేసుకోగా, వారిలో 22,477 మంది అభ్యర్థులు పరీక్షకు హాజరయ్యారు. ఈ మూల్యాంకన ప్రక్రియ పూర్తి కాగా.. మొత్తం 15,749 మంది అభ్యర్థులు ఈ పరీక్షల్లో అర్హత సాధించినట్లు అధికారులు తెలిపారు.
విభాగాల వారీగా చూస్తే.. పేపర్-1 లో 68.76 శాతం మంది అభ్యర్థులు పాస్ కాగా, పేపర్-2 మ్యాథ్స్ , సైన్స్ విభాగంలో అత్యధికంగా 73.60 శాతం మంది అర్హత సాధించారు. అలాగే పేపర్-2 సోషల్ స్టడీస్ విభాగంలో.. 67 శాతం మంది ఉపాధ్యాయులు ఉత్తీర్ణులైనట్లు విద్యాశాఖ స్పష్టం చేసింది.
స్కోర్ కార్డ్ డౌన్‌లోడ్ చేసుకునే విధానం:
- ముందుగా విద్యాశాఖ అధికారిక వెబ్‌సైట్ schooledu.telangana.gov.in ఓపెన్ చేయండి.
- హోమ్‌పేజీలో కనిపించే ‘TS TET ‘In-Service Teachers’ అనే లింక్ పై క్లిక్ చేయండి.
- తర్వాత ఒక కొత్త పేజీ ఓపెన్ అవుతుంది.అక్కడ మీ హాల్ టికెట్ నంబర్, అడిగిన ఇతర వివరాలను (పుట్టిన తేదీ వంటివి) ఎంటర్ చేయండి.
- అన్ని వివరాలు చెక్ చేసిన తర్వాత ‘Submit’ లేదా ‘Get Results’ పై క్లిక్ చేయండి. వెంటనే స్క్రీన్ పై స్కోర్ కార్డ్ కనిపిస్తుంది.
- చివరగా మీ స్కోర్ కార్డ్‌ను Download లేదా Print ఆప్షన్ ద్వారా సేవ్ చేసుకోండి.
