రాష్ట్రంలోని ఆదిలాబాద్, ఖమ్మం, కరీంనగర్, మహబూబ్నగర్, మెదక్, నిజామాబాద్, నల్గొండ, రంగారెడ్డి జిల్లా కోర్టులతో పాటు హైదరాబాద్ మెట్రోపాలిటన్ సెషన్స్ కోర్టు, సిటీ సివిల్ కోర్టులో స్టెనోగ్రాఫర్ పోస్టుల భర్తీకి నోటిఫికేషన్ రిలీజ్ అయింది.
అర్హత: మొత్తం 64 పోస్టులు ఖాళీగా ఉన్నాయి. ఏదైనా డిగ్రీ ఉత్తీర్ణతతో పాటు ఇంగ్లిష్ టైప్ రైటింగ్ బై హయ్యర్ గ్రేడ్ ( 45 వర్డ్స్ ఫర్ మినట్) లేదా షార్ట్ హాండ్ బై హయ్యర్ గ్రేడ్ ( 120 వర్డ్ ఫర్ మినట్) లో రాష్ట్ర ప్రభుత్వం నిర్వహించే పరీక్షలో ఉత్తీర్ణులై ఉండాలి. వయసు 18 నుంచి 34 సంవత్సరాల మధ్య ఉండాలి. ఎస్సీ, ఎస్టీ, బీసీ, ఈడబ్ల్యూఎస్ అభ్యర్థులకు ఐదేళ్లు, పీడబ్ల్యూఎస్ క్యాండిడేట్స్కు పదేళ్లు గరిష్ట వయోపరిమితిలో సడలింపు ఉంటుంది.
దరఖాస్తులు: అర్హులైన అభ్యర్థులు ఏప్రిల్ 4వ తేదీ లోపు ఆన్లైన్లో అప్లై చేసుకోవాలి. జనరల్, బీసీ అభ్యర్థులకు రూ.800, ఎస్సీ, ఎస్టీ అభ్యర్థులు రూ. 400 అప్లికేషన్ ఫీజు చెల్లించాలి.
సెలెక్షన్ ప్రాసెస్: రాతపరీక్ష, స్కిల్ టెస్ట్, ఇంటర్వ్యూ ఆధారంగా అభ్యర్థులను ఎంపిక చేస్తారు. రాతపరీక్ష 25 మార్కులు జనరల్ నాలెడ్జ్, 25 మార్కులు జనరల్ ఇంగ్లిష్ నుంచి మొత్తం 50 మార్కులకు ఉంటుంది. పరీక్షకు 60 నిమిషాల సమయం కేటాయించారు. క్వశ్చన్ పేపర్ ఇంగ్లిష్, తెలుగు మీడియంలో ఉంటుంది. 30 మార్కులు స్కిల్ టెస్ట్ ( స్టెనోగ్రఫీ), 20 మార్కులు ఇంటర్వ్యూకి ఉంటుంది.
వెబ్సైట్: www.tshc.gov.in