జూనియర్​ లెక్చరర్​ అభ్యర్థులకు తెలంగాణ హైకోర్టు గుడ్ న్యూస్ చెప్పింది. పేపర్​–2 ప్రశ్నాపత్రాన్ని తెలుగులోనే ఇవ్వాలని తెలంగాణ పబ్లిక్​ సర్వీస్​ కమిషన్​ను ఆదేశించింది. మొత్తం రెండు పేపర్లతో 300 మార్కులకు పరీక్ష నిర్వహించనున్నట్లు నోటిఫికేషన్​ లో పేర్కొంది. అయితే, పేపర్​–1 జనరల్​ స్టడీస్​ను తెలుగు, ఇంగ్లిష్​, ఉర్దూలో ఇవ్వనున్నట్లు తెలిపిన టీఎస్​పీఎస్సీ.. పేపర్​–2 అయిన సంబంధిత సబ్జెక్ట్​ ప్రశ్నాపత్రం మాత్రం కేవలం ఇంగ్లిష్​లోనే ఇవ్వనున్నట్లు తెలిపింది. దీంతో పలువురు అభ్యర్థులు హైకోర్టును ఆశ్రయించారు. పేపర్​–2 కూడా తెలుగులో ఇచ్చేలా ఆదేశించాలని అభ్యర్థించారు. కేసు విచారణ జరిపిన హైకోర్టు పేపర్​–2ను తెలుగులోనే ఇవ్వాలని టీఎస్​పీఎస్సీని ఆదేశించింది. ఈ నోటిఫికేషన్‌ ద్వారా 1392 పోస్టులను భర్తీ చేయనుంది పబ్లిక్ సర్వీస్ కమిషన్.