తెలంగాణ ప్రభుత్వ అధ్వర్యంలోని రాష్ట్ర ఆరోగ్య కుటుంబ సంక్షేమ కమిషనర్ పరిధిలో నిర్వహించే ఏఎన్ఎం ట్రైనింగ్ కోర్సులకు నోటిఫికేషన్ విడుదలైంది. హైదరాబాద్, నిజామాబాద్, వరంగల్ ఎంజీఎం, ఖమ్మం, కొత్తగూడెంలో ఈ ట్రైనింగ్ అందుబాటులో ఉంది. అన్ని చోట్ల 40 సీట్లు అందుబాటులో ఉన్నాయి. ఇంటర్ పాసైన మహిళా అభ్యర్థులు ఈ కోర్సులకు అర్హులు. డిసెంబర్ 18వ తేదీ వరకు ఆన్లైన్లో అప్లై చేసుకునేందుకు గడువు నిర్ణయించారు. జనవరి ఒకటో తేదీ నుంచి శిక్షణ ప్రారంభమవుతుంది.
వరంగల్ కాళోజి వర్సిటీలో
వరంగల్ కాళోజీ నారాయణరావు యూనివర్సిటీ 2021–22 విద్యాసంవత్సరానికి సీట్ల భర్తీకి నోటిఫికేషన్ విడుదల చేసింది. ఫిజియోథెరపీ, ల్యాబ్ టెక్నీషియన్, నాలుగేళ్ల నర్సింగ్ కోర్సులు అందుబాటులో ఉన్నాయి. తెలుగు రాష్ట్రాల అభ్యర్థులు ఈ కోర్సులకు దరఖాస్తు చేసుకోవచ్చు. సైన్స్ గ్రూప్ సబ్జెక్టులతో ఇంటర్ ఉత్తీర్ణులైన అభ్యర్థులు ఈ కోర్సుల్లో చేరేందుకు అర్హులు. దరఖాస్తు చేసుకునేందుకు డిసెంబర్ 15 వరకు తుది గడువు ఉంది.