కేంద్ర ప్రభుత్వంలోని పలు విభాగాల్లో ఉద్యోగ ఖాళీలను భర్తీ చేసే స్టాఫ్ సెలక్షన్ కమిషన్ (ఎస్ఎస్సీ) పరీక్షల క్యాలెండర్ను విడుదల చేసింది. 2024–-25లో నిర్వహించే ఉద్యోగ నియామక పరీక్షల తేదీలతో ప్రత్యేక చార్ట్ విడుదల చేసింది. దీంట్లో 2024 జూన్ నుంచి 2025 ఫిబ్రవరి వరకు నిర్వహించే జూనియర్ ఇంజినీర్, సెలక్షన్ పోస్టులు, ఢిల్లీ పోలీస్ సబ్ఇన్స్పెక్టర్, సీజీఎల్, ఎంటీఎస్, హవల్దార్, గ్రేడ్ సి/డి స్టెనోగ్రాఫర్, కానిస్టేబుల్ (జీడీ), జూనియర్ హిందీ ట్రాన్స్టేటర్ ఉద్యోగ నియామక పరీక్షల తేదీలు ప్రకటించింది. ఆయా పోస్టులకు నోటిఫికేషన్, అప్లికేషన్స్, కంప్యూటర్ ఆధారిత పరీక్షలు నిర్వహించే తేదీలను క్యాలెండర్లో పొందుపరిచింది.
పరీక్షల తేదీలు
జూన్ 24న సీజీఎల్, 27న ఎంటీఎస్, ఆగస్టు 27 కానిస్టేబుల్ (జీడీ) నోటిఫికేషన్లు విడుదల కానున్నాయి. సెప్టెంబర్/ అక్టోబర్లో సీజీఎల్ పరీక్షలు, అక్టోబర్/ నవంబర్లో ఎంటీఎస్ పరీక్షలు, వచ్చే ఏడాది జనవరి/ ఫిబ్రవరిలో కానిస్టేబుల్ (జీడీ) రాత పరీక్షలు నిర్వహించనున్నారు. పరీక్షల క్యాలెండర్ను ఈ కింది డాక్యుమెంట్లో చూడొచ్చు.
