కేంద్ర హోం వ్యవహారాల మంత్రిత్వ శాఖ పరిధిలోని సశస్త్ర సీమ బల్ (SSB), కానిస్టేబుల్ (ట్రేడ్స్మ్యాన్ & డ్రైవర్) పోస్టుల భర్తీకి గతంలో నోటిఫికేషన్ విడుదల చేసిన సంగతి తెలిసిందే . అయితే ఈ పోస్టులకు సంబంధించి అప్లికేషన్ గడువు ముగియడంతో తాజగా దీనిని మే 10వ తేదీ వరకు పొడిగించారు. ఇదిలా ఉంటే.. మొత్తం 827 ఖాళీల భర్తీకి ఈ నోటిఫికేషన్ వెలువడింది. పోస్టును బట్టి విద్యార్హతలు నిర్ణయించారు. ఆసక్తి కలిగిన అభ్యర్థులు అధికారిక వెబ్సైట్ ssb.gov.in ద్వారా ఆన్లైన్లో అప్లై చేసుకోవచ్చు.
SSB కానిస్టేబుల్ రిక్రూట్మెంట్ 2026-పూర్తి వివరాలు:
ఖాళీల వివరాలు:
మొత్తం 827 పోస్టులలో వివిధ రకాల ట్రేడ్స్ అందుబాటులో ఉన్నాయి.
కానిస్టేబుల్ (డ్రైవర్ – పురుషులు): 553 పోస్టులు
కానిస్టేబుల్ (వెటర్నరీ): 34 పోస్టులు
ఇతర ట్రేడ్స్: వాషర్మ్యాన్ (74), బార్బర్ (43), గార్డెనర్ (41), టైలర్ (41), కాబ్లర్ (25)తో పాటు మరికొన్ని పోస్టులు ఉన్నాయి.
జీతం: ఎంపికైన అభ్యర్థులకు 7వ సీపీసీ ప్రకారం లెవల్-3 జీతం (రూ. 21,700 నుంచి రూ. 69,100 వరకు) లభిస్తుంది.
అర్హతలు:
విద్యార్హత: గుర్తింపు పొందిన బోర్డు నుంచి టెన్త్ ఉత్తీర్ణులై ఉండాలి. డ్రైవర్ పోస్టులకు ‘హెవీ వెహికల్ డ్రైవింగ్ లైసెన్స్’ తప్పనిసరి. ట్రేడ్స్మ్యాన్ పోస్టులకు సంబంధిత విభాగంలో ఐటీఐ (ITI) లేదా అనుభవం ఉండాలి.
వయస్సు: అభ్యర్థుల 18 నుంచి 27 ఏళ్ల మధ్య ఉండాలి. రిజర్వేషన్ వర్గాలకు (SC/STలకు 5 ఏళ్లు, OBCలకు 3 ఏళ్లు) ప్రభుత్వ నిబంధనల ప్రకారం వయో సడలింపు ఉంటుంది.
ఎంపిక విధానం:
SSB అభ్యర్థులను ఈ కింది దశల ద్వారా ఎంపిక చేస్తుంది.
PET & PST: శారీరక సామర్థ్య పరీక్ష (రన్నింగ్), శారీరక ప్రమాణాల పరీక్ష (ఎత్తు, ఛాతీ కొలతలు).
రాత పరీక్ష: ఆబ్జెక్టివ్ తరహాలో జనరల్ నాలెడ్జ్, మ్యాథ్స్, రీజనింగ్, ట్రేడ్ సంబంధిత అంశాలపై పరీక్ష ఉంటుంది.
ట్రేడ్ టెస్ట్ : అభ్యర్థికి సంబంధిత పనిలో ఉన్న నైపుణ్యాన్ని పరిశీలిస్తారు.
డాక్యుమెంటేషన్ & మెడికల్: ఒరిజినల్ సర్టిఫికేట్ల వెరిఫికేషన్ , మెడికల్ టెస్ట్ నిర్వహిస్తారు.
అప్లికేషన్ ఫీజు:
జనరల్, ఈడబ్ల్యూఎస్, ఓబీసీ అభ్యర్థులు రూ. 100 చల్లించాల్సి ఉంటుంది. ఎస్సీ, ఎస్టీ, ఎక్స్-సర్వీస్మెన్,మహిళా అభ్యర్థులకు ఎలాంటి ఫీజు లేదు .
మరిన్ని వివరాలకు అభ్యర్థులు అధికారిక వెబ్ సైట్ ssb.gov.in సంప్రదించవచ్చు.
