ఎస్​బీఐలో 10 వేల ఉద్యోగాల జాతర

బ్యాంకు ఉద్యోగాలకు పోటీ పడుతున్న నిరుద్యోగులకు గుడ్​ న్యూస్​. స్టేట్‌ బ్యాంక్‌ ఆఫ్‌ ఇండియా ఈ ఏడాది భారీ స్థాయిలో ఉద్యోగ నియామకాలు చేపట్టనుంది. ఈ ఏడాదిలో 10వేల ఉద్యోగాలకు నోటిఫికేషన్ రిలీజ్ చేస్తామని ఎస్ బీఐ చైర్మన్‌ చల్లా శ్రీనివాసులు శెట్టి ప్రకటించారు. దేశవ్యాప్తంగా ఎస్​బీఐకి 22,542 బ్రాంచీలున్నాయి. ఈ ఆర్థిక సంవత్సరంలో ఖాతాదారుల కోసం కొత్తగా మరో 600 బ్యాంకు బ్రాంచీలను ఏర్పాటు చేయనున్నట్లు తాజాగా ప్రకటించింది. వీటిలో అవసరమైన బ్యాంకింగ్‌ సేవలు, సాంకేతికంగా బ్యాంకులను బలోపేతం చేసేందుకు మరిన్ని ఉద్యోగ నియామకాలు చేపడుతామని ఎస్​బీఐ ఛైర్మన్​ వెల్లడించారు. ఇటీవలే ఎస్ బీఐలోని వివిధ భాగాల్లో 1500 మంది సాంకేతిక నిపుణుల నియామకాల నోటిఫికేషన్​ విడుదల చేసింది.
ఎస్​బీఐలో స్పెషలిస్ట్ ఆఫీసర్​ పోస్టులకు గడువు పెంపు

మార్చి 2024 నాటికి ఎస్​బీఐలో 2,32,296 మంది సిబ్బంది ఉన్నారు. పెరుగుతున్న కస్టమర్లు, భవిష్యత్తు అవసరాలకు అనుగుణంగా మరో 10వేల ఉద్యోగులు అవసరమవుతాయని ఎస్​బీఐ అంచనా వేసింది. డేటా సైంటిస్టు, డేటా ఆర్కిటెక్టు, నెట్‌వర్క్‌ ఆపరేటర్లతో సహా మరిన్ని విభాగాల్లో నియామకాలు చేపట్టనుంది.