స్టేట్ బ్యాంక్ ఆఫ్ ఇండియా (SBI)..దేశవ్యాప్తంగా వివిధ సర్కిళ్లలో ఖాళీగా ఉన్న సర్కిల్ బేస్డ్ ఆఫీసర్ (CBO) పోస్టుల భర్తీకి నోటిఫికేషన్ విడుదల చేసింది. ఈ నోటిఫికేషన్ ద్వారా 2273 పోస్టులను భర్తీ చేయనున్నారు. ఇందులో 2050 రెగ్యులర్ ఖాళీలు, 223 బ్యాక్లాగ్ ఖాళీలు ఉన్నాయి. గుర్తింపు పొందిన యూనివర్సిటీ నుంచి డిగ్రీ పూర్తి చేసి, బ్యాంకింగ్ రంగంలో కనీసం రెండేళ్ల అనుభవం ఉన్న అభ్యర్థులు ఈ ఉద్యోగాలకు అప్లై చేసుకోవచ్చు. ఆసక్తి కలిగి ఉన్న వారు ఫిబ్రవరి 18 లోపు ఆన్లైన్లో అప్లై చేసుకోవాల్సి ఉంటుంది.
పూర్తి వివరాలు:
మొత్తం ఖాళీలు: 2273
అర్హత: ఏదైనా విభాగంలో డిగ్రీ పాసైన అభ్యర్థులు ఈ ఉద్యోగాలకు అర్హులు.
అనుభవం: అభ్యర్థులకు షెడ్యూల్డ్ కమర్షియల్ బ్యాంకులు లేదా రీజినల్ రూరల్ బ్యాంకుల్లో ఆఫీసర్ హోదాలో కనీసం 2 ఏళ్ల అనుభవం (డిసెంబర్ 31, 2025 నాటికి) ఉండాలి.
వయస్సు: అభ్యర్థుల వయస్సు 21 నుంచి 30 ఏళ్ల మధ్య ఉండాలి. (రిజర్వేషన్ అభ్యర్థులకు ప్రభుత్వ నిబంధనల ప్రకారం సడలింపు ఉంటుంది)
జీతం: నెలకు రూ. 48,480 – రూ. 85,920 (ఇతర అలవెన్సులు)మధ్య జీతం ఉంటుంది.
ముఖ్యమైన తేదీలు:
ఆన్లైన్ అప్లికేషన్ ప్రారంభం: జనవరి 29వ తేదీ నుంచి అభ్యర్థులు ఈ ఉద్యోగాల కోసం అప్లై చేసుకోవడానికి అవకాశం ఉంటుంది.
చివరి తేదీ: ఫిబ్రవరి 18 వరకు అభ్యర్థులు అప్లై చేసుకోవచ్చు.
ఎంపిక విధానం:
ఎంపిక నాలుగు దశల్లో జరుగుతుంది.
ఆన్లైన్ పరీక్ష: ఆబ్జెక్టివ్ (120 మార్కులు) , డిస్క్రిప్టివ్ (50 మార్కులు) పరీక్షలు ఉంటాయి. నెగటివ్ మార్కులు ఉండవు.
స్క్రీనింగ్: అభ్యర్థి అర్హతలు, జాబ్ ప్రొఫైల్ను బ్యాంక్ కమిటీ పరిశీలిస్తుంది.
ఇంటర్వ్యూ: 50 మార్కులకు వ్యక్తిగత ఇంటర్వ్యూ నిర్వహిస్తారు.
స్థానిక భాషా పరీక్ష: ఎంపికైన అభ్యర్థులు సంబంధిత సర్కిల్కు చెందిన స్థానిక భాషలో ప్రావీణ్యం కలిగి ఉండాలి.
అప్లికేషన్ ఫీజు:
జనరల్/ఈడబ్ల్యూఎస్/ఓబీసీ అభ్యర్థులకు అప్లికేషన్ ఫీజు రూ. 750, కాగా ఎస్సీ/ఎస్టీ/పీడబ్ల్యూడీ అభ్యర్థులకు ఎలాంటి ఫీజు లేదు.
అప్లికేషన్ విధానం:
అర్హులైన అభ్యర్థులు ఎస్బీఐ అధికారిక వెబ్సైట్ https://sbi.bank.in/web/careers ద్వారా ఆన్లైన్లో అప్లై చేసుకోవాలి.
