రైల్వే రిక్రూట్మెంట్ బోర్డు (RRB) ద్వారా 22,082 గ్రూప్-డి (లెవల్-1) పోస్టుల భర్తీకి నోటిఫికేషన్ విడుదలైన విషయం తెలిసిందే. అయితే దేశవ్యాప్తంగా వివిధ రైల్వే జోన్లలో పాయింట్స్మన్, ట్రాక్ మెయింటెయినర్ వంటి కీలక విభాగాల్లో ఈ నియామకాలు జరగనున్నాయి. టెన్త్ లేదా ఐటీఐ అర్హత కలిగిన అభ్యర్థులు మార్చి 2వ తేదీలోపు ఆన్లైన్ ద్వారా ఈ ఉద్యోగాల కోసం అప్లై చేసుకోవాలి. సికింద్రాబాద్ కేంద్రంగా ఉన్న సౌత్ సెంట్రల్ రైల్వేలో 1,012 ఖాళీలు ఉన్నాయి. ఈ నోటిఫికేషన్ కు సంబంధించిన పూర్తి వివరాలను ఇప్పుడు తెలుసుకుందాం.
రైల్వే రిక్రూట్మెంట్ బోర్డు విడుదల చేసిన CEN నెం. 09/2025 నోటిఫికేషన్ ప్రకారం.. మొత్తం 16 జోన్లలో ఖాళీలను భర్తీ చేయనున్నారు. అభ్యర్థులు తమకు ఇష్టమైన లేదా ఎక్కువ పోస్టులు ఉన్న ఏదేని ఒక జోన్ను ఎంచుకుని అప్లై చేసుకోవచ్చు.
జోన్ల వారీగా ఖాళీల వివరాలు:
మొత్తం ఖాళీలు-22,082
నార్తన్ రైల్వే (ఢిల్లీ) -3,537
వెస్ట్రన్ రైల్వే (ముంబై)-2,148
సెంట్రల్ రైల్వే (ముంబై)-1,979
నార్త్ ఈస్ట్ ఫ్రంటియర్ రైల్వే (గువాహటి)-1,776
సౌత్ ఈస్ట్ సెంట్రల్ రైల్వే (బిలాస్పూర్)-1,199
నార్త్ ఈస్ట్రన్ రైల్వే (గోరఖ్పూర్)-1,196
నార్త్ సెంట్రల్ రైల్వే (ప్రయాగ్రాజ్)-1,181
వెస్ట్ సెంట్రల్ రైల్వే (జబల్పూర్)- 1,147
సౌత్ సెంట్రల్ రైల్వే (సికింద్రాబాద్)-1,012
సదరన్ రైల్వే (చెన్నై)-1,036
ఈస్ట్రన్ రైల్వే (కోల్కతా)/మెట్రో-1,000
ఈస్ట్ సెంట్రల్ రైల్వే (హాజీపూర్)- 993
నార్త్ వెస్ట్రన్ రైల్వే (జైపూర్)-974
సౌత్ ఈస్ట్రన్ రైల్వే (కోల్కతా)-949
ఈస్ట్ కోస్ట్ రైల్వే (భువనేశ్వర్)-803
సౌత్ వెస్ట్రన్ రైల్వే (హుబ్లీ)-90
భర్తీ చేసే పోస్టులు:
ఈ నోటిఫికేషన్ ద్వారా రైల్వేలోని వివిధ టెక్నికల్, నాన్-టెక్నికల్ విభాగాల్లో సిబ్బందిని నియమిస్తారు.
1.పాయింట్స్ మన్
2.ట్రాక్ మెయింటెయినర్
3.అసిస్టెంట్ లోకో షెడ్
4.అసిస్టెంట్ ఆపరేషన్స్
ఇతర అసిస్టెంట్ విభాగాలు
విద్యార్హతలు :
అభ్యర్థులు పొందిన బోర్డు నుంచి టెన్త్ ఉత్తీర్ణత కలిగి ఉండాలి లేదా నేషనల్ కౌన్సిల్ ఫర్ వొకేషనల్ ట్రైనింగ్ (NCVT) / స్టేట్ కౌన్సిల్ ఫర్ వొకేషనల్ ట్రైనింగ్ (SCVT) ద్వారా జారీ చేసిన ఐటీఐ సర్టిఫికేట్ కలిగి ఉండాలి.
- వయస్సు:
సాధారణంగా అభ్యర్థుల వయస్సు18 నుంచి 33 ఏళ్ల మధ్య ఉండాలి (రిజర్వేషన్ అభ్యర్థులకు ప్రభుత్వ నిబంధనల ప్రకారం వయో సడలింపు ఉంటుంది). - అప్లికేషన్ షెడ్యూల్ :
అప్లికేషన్ చివరి తేదీ: మార్చి 2వ తేదీ వరకు అభ్యర్థులు అప్లై చేసుకోవచ్చు.
అధికారిక వెబ్ సైట్ వివరాలు:
అభ్యర్థులు తాము అప్లై చేయాలనుకుంటున్న జోన్కు సంబంధించిన అధికారిక వెబ్సైట్లో రిజిస్ట్రేషన్ చేసుకోవాలి. ప్రధాన వెబ్సైట్లు..
RRB సికింద్రాబాద్- www.rrbsecunderabad.gov.in
RRB చెన్నై- www.rrbchennai.gov.in
RRB ముంబై- www.rrbmumbai.gov.in
RRB న్యూఢిల్లీ- www.rrbcdg.gov.in
ఎంపిక విధానం:
అభ్యర్థులను కంప్యూటర్ ఆధారిత పరీక్ష (CBT), శారీరక సామర్థ్య పరీక్ష (PET),డాక్యుమెంట్ వెరిఫికేషన్ ఆధారంగా ఎంపిక చేస్తారు.
