పంజాబ్ నేషనల్ బ్యాంక్ (పీఎన్బీ) 145 స్పెషల్ ఆఫీసర్ పోస్టుల భర్తీకి నోటిఫికేషన్ రిలీజ్ చేసింది. అర్హులైన అభ్యర్థులు ఆన్లైన్లో మే 7వ తేదీ వరకు అప్లై చేసుకోవాలి. కనీసం 60 శాతం మార్కులతో డిగ్రీ పూర్తి చేసిన అభ్యర్థులు అర్హులు.
పోస్టులు: మేనేజర్లు (రిస్క్)– 40, మేనేజర్లు (క్రెడిట్)– 100, సీనియర్ మేనేజర్లు (ట్రెజరీ)– 5 ఖాళీలు ఉన్నాయి. పోస్టుల్ని అనుసరించి సీఏ/ సీఎంఏ (లేదా) కనీసం 60 శాతం మార్కులతో గ్రాడ్యుయేషన్ ఉత్తీర్ణతతో పాటు ఎంబీఏ (ఫైనాన్స్)/ పీజీడీఎం (ఫైనాన్స్)/ తత్సమాన పీజీ డిగ్రీ (ఫైనాన్స్) ఉత్తీర్ణత. పని అనుభవం కూడా ఉండాలి. వయసు 25 నుంచి 37 ఏళ్ల మధ్య ఉండాలి.
సెలెక్షన ప్రాసెస్: ఆన్లైన్ టెస్ట్, ఇంటర్వ్యూ ఆధారంగా అభ్యర్థులను ఎంపిక చేస్తారు. పరీక్ష మొత్తం 220 మార్కులకు నిర్వహిస్తారు. దీనిలో పార్ట్ 1, పార్ట్ 2 విభాగాలు ఉంటాయి. పరీక్షా సమయం రెండు గంటలు ఉంటుంది. రీజనింగ్, ఇంగ్లిష్; ఆప్టిట్యూడ్, ప్రొఫెషనల్ నాలెడ్జ్ నుంచి ప్రశ్నలు ఇస్తారు. పార్ట్ 1, పార్ట్ 2లో సాధించిన మెరిట్ మార్కుల ఆధారంగా అభ్యర్థుల్ని పర్సనల్ ఇంటర్వ్యూకి ఎంపిక చేస్తారు. పర్సనల్ ఇంటర్వ్యూ 25 మార్కులకు ఉంటుంది. రాత పరీక్ష, ఇంటర్వ్యూలో సాధించిన మెరిట్ మార్కుల ఆధారంగా ఫైనల్ సెలెక్షన్ ఉంటుంది.
