పాలిటెక్నిక్​ ఎగ్జామ్​.. బుక్స్​ చూసి రాసే కొత్త పాలసీ ఈ ఏడాది నుంచే అమలు

ఇప్పటివరకు స్టూడెంట్లు టెక్ట్స్ బుక్స్ చూసి ఎగ్జామ్స్ రాస్తే కాపీ కొట్టినట్లే. కానీ ఇకపై పుస్తకాలు చూసుకుంటూ.. దర్జాగా అందులో నుంచి వెతిక్కుని ఎగ్జామ్​ రాసేయచ్చు.  ఈ కొత్త విధానాన్ని రాష్ట్ర విద్యాశాఖ ఈ ఏడాది నుంచే అమలులోకి తీసుకు వస్తోంది. తొలిసారిగా  ఈ ఏడాది పాలిటెక్నిక్ కాలేజీల్లో ఓపెన్ బుక్ సిస్టమ్ ద్వారా  ఫస్టియర్ ఎగ్జామ్స్ నిర్వహిస్తామని ప్రకటించింది.

న్యూఎడ్యుకేషన్ పాలసీ అమల్లో భాగంగానే ఈ కొత్త విధానం అమలు చేస్తోంది. విద్యాశాఖలో కొంతకాలంగా ఓపెన్ బుక్ సిస్టమ్​పై చర్చ నడుస్తోంది. ఇప్పుడు మరోసారి ఈ విధానం తెరమీదకొచ్చింది.  టెక్నికల్ ఎడ్యుకేషన్ కమిషనర్ నవీన్ మిట్టల్​ఈ విధానం సాధ్యాసాధ్యాలపై కమిటీ వేసి, ఆ నివేదిక ఆధారంగా పాలిటెక్నిక్ కోర్సుల్లో దీన్ని అమలు చేయాలనే నిర్ణయం తీసుకుంది.

రాష్ట్రంలో 54 గవర్నమెంట్​ , 76 ప్రైవేటు పాలిటెక్నిక్ కాలేజీలున్నాయి. పాలిటెక్నిక్ లో అన్ని బ్రాంచీల్లో ఇంగ్లిష్ కామన్​. అందుకే  దీంతో  ఓపెన్ బుక్ సిస్టమ్​ను ఇంగ్లిష్​సబ్జెక్టుకు అమలు చేస్తున్నారు. మిగిలిన నాలుగు సబ్జెక్టులకు సంబంధించిన ఎగ్జామ్స్ గతంలో మాదిరి, పుస్తకాలు చూడకుండానే రాయాల్సి ఉంటుంది. ప్రతి ఏటా ఒక్కో  సబ్జెక్టును ఒపెన్​ సిస్టమ్​ లోకి  తీసుకొస్తారు. వచ్చే ఏడాది సెకండియర్ స్టూడెంట్లకూ ఈ విధానం అమలు చేస్తారు.

అయితే ఇప్పటికే పాలిటెక్నిక్​ ఫస్టియర్ మిడ్ 1,2 ఎగ్జామ్స్ పూర్తయ్యాయి. జనవరి18 నుంచి ఫస్టియర్ ఫస్ట్ సెమిస్టర్ ఎగ్జామ్స్ ప్రారంభం కాబోతున్నాయి. మిడ్ ఎగ్జామ్స్​లో కొన్ని కాలేజీల్లో దీన్ని అమలు చేయగా, సెమిస్టర్ ఎగ్జామ్స్​కు అన్ని కాలేజీల్లో పూర్తిస్థాయిలో అమలు చేయబోతున్నారు. బట్టీ విధానాన్ని పోగొట్టేందుకే ఓపెన్ బుక్ విధానం అమలు చేస్తున్నట్లు అధికారులు చెబుతున్నారు.