స్టాఫ్ నర్స్ ఉద్యోగ నియామకాల పరీక్ష వాయిదా పడింది. నోటిఫికేషన్ ప్రకారం నవంబర్ 17వ తేదీన సీబీటీ విధానంలో ఈ పరీక్ష నిర్వహిస్తామని తెలంగాణ మెడికల్ అండ్ హెల్త్ సర్వీసెస్ రిక్రూట్మెంట్ బోర్డు ముందుగా ప్రకటించింది. ఇప్పటికే నవంబర్ 17, 18 తేదీల్లో గ్రూప్ 3 పరీక్షలు నిర్వహించనున్నట్లు టీజీపీఎస్సీ ప్రకటించింది. అందుకు సంబంధించిన ఏర్పాట్లు కూడా చేసుకుంటోంది. అందుకే రెండు పరీక్షలకు ప్రిపేర్ అవుతున్న అభ్యర్థులు చేసిన విజ్ఞప్తులను పరిశీలించిన మెడికల్ రిక్రూట్మెంట్ బోర్డు నర్సింగ్ ఆఫీసర్ పరీక్షలను వాయిదా వేసే నిర్ణయం తీసుకుంది. నవంబ్ 17న నిర్వహించాల్సిన పరీక్షను నవంబర్ 23న నిర్వహించనున్నట్లు ప్రకటన జారీ చేసింది.
