వైద్య విద్య యూజీ కోర్సుల్లో చేరేందుకు జాతీయ స్థాయిలో నిర్వహించే నీట్​ పరీక్ష రాసేందుకు వయోపరిమితిని తొలగిస్తూ జాతీయ వైద్య మండలి ‘ఎన్​ఎంసీ’ ప్రకటన విడుదల చేసింది. గతంలో నీట్​ రాసేందుకు 17ఏళ్ల నుంచి 25ఏళ్ల మధ్య వయసు గల విద్యార్థులను మాత్రమే అర్హులుగా తీసుకునేవారు. అయితే పలు అభ్యంతరాలు, సలహాలు, సూచనల మేరకు ఎన్​ఎంసీ సమావేశమై వయసు నిబంధన ఎత్తివేస్తూ నిర్ణయం తీసుకుంది. ఇక నుంచి ఎన్ని సార్లయిన నీట్​ పరీక్ష రాసేందుకు వీలు కల్పించింది. ఈ మేరకు తర్వలోనే జీవో చేయనున్నట్టు జాతీయ వైద్య మండలి వెల్లడించింది.