నైపర్ నోటిఫికేషన్ 2020 ఫార్మాలో పీజీ, పీహెచ్‌డీ కోర్సులు
నేషనల్‌ ఇన్‌స్టిట్యూట్‌ ఆఫ్‌ ఫార్మసీ ఎడ్యుకేషన్‌ అండ్ రిసెర్చ్‌ (నైపర్ )లో పీజీ, పీహెచ్‌డీ కోర్సులు చేసేందుకు నోటిఫికేషన్ విడుదలైంది. దేశవ్యాప్తంగా ఉన్న హైదరాబాద్‌, అహ్మదాబాద్‌, హాజీపూర్‌, కోల్‌కతా, మొహాలీ, రాయ్‌బరేలీ, గువాహటి కేంద్రాలలో ఈ కాలేజీలున్నాయి. ఎంట్రెన్స్ టెస్ట్ ద్వారా అడ్మిషన్లు ఉంటాయి. ఈ కోర్సులు పూర్తి చేసిన వారు ప్రపంచ వ్యాప్తంగా ఉన్న ఫార్మా కంపెనీలలో ఉద్యోగావకాశాలు సొంతం చేసుకోవచ్చు.
post graduate courses:
ఎంఫార్మసీ, ఎంటెక్‌ (ఫార్మాస్యూటికల్‌ టెక్నాలజీ), ఎంఎస్‌ (ఫార్మసీ), ఎంబీఏ (ఫార్మాస్యూటికల్‌ మేనేజ్‌మెంట్‌).ఎంఎస్‌ ఫార్మసీలో బయో టెక్నాలజీ, మెడిసినల్‌ కెమిస్ట్రీ, మెడికల్‌ డివైజ్‌లు, నేచురల్‌ ప్రొడక్ట్స్‌, ఫార్మా స్యూటికల్‌ అనాలిసిస్‌, ఫార్మకాలజీ అండ్ టాక్సికాలజీ, ఫార్మాస్యూటిక్స్‌, ఫార్మకో ఇన్‌ఫర్మాటిక్స్ స్పెషలైజేషన్లు ఉన్నాయి. ఎంఫార్మసీలో ఫార్మాస్యూటికల్‌ టెక్నాలజీ (ఫార్ములేషన్స్‌), ఫార్మసీ ప్రాక్టీస్‌ స్పెషలైజేషన్లను కొన్ని సంస్థలు అందిస్తున్నాయి.
Eligibility:
బీఫార్మసీ చేసిన వారందరూ అర్హులు.. కొన్ని కోర్సులకు బీవీఎస్సీ, ఎంబీబీఎస్‌, నిర్దేశిత విభాగాల్లో ఎమ్మెస్సీ, బీటెక్‌ వారికీ అవకాశం ఉంది. సంబంధిత కోర్సుల్లో 60 శాతం మార్కులు తప్పనిసరి. .
ఎస్సీ, ఎస్టీలకు 55 శాతం, వికలాంగులు అయితే 50 శాతం మార్కులు ఉండాలి. చివరి ఏడాది చదువుతున్న వారు కూడా అప్లై చేసుకోవచ్చు.
నైపర్‌కు అప్లై చేసుకున్న అభ్యర్థులు జీప్యాట్ /గేట్‌ /నెట్‌లో తప్పనిసరిగా ఎలిజిబులిటీ సాధించాలి.
Exam Pattern::
ఎగ్జామ్ ఆన్‌లైన్‌లో ఉంటుంది. అబ్జెక్టివ్ మెథడ్‌. మొత్తం 200 ప్రశ్నలు ఉంటాయి. 2గంటల టైమ్ ఉంటుంది. తప్పు ఆన్సర్ చేస్తే నెగిటివ్ మార్క్ ఉంటుంది. 4 తప్పులకు ఒక మార్కు కట్ అవుతుంది. సంబంధిత సబ్జెక్టుల తో పాటు జనరల్ ఆప్టిట్యూన్ నుంచి కొన్ని క్వశ్చన్స్ ఇస్తారు.
ఎగ్జామ్‌లో మెరిట్ ఆధారంగా, రిజర్వేషన్ల ప్రకారం సీట్లు కేటాయిస్తారు. ఎంబీఏ కోర్సులకు మాత్రం గ్రూప్ డిస్కషన్స్, ఇంటర్వ్యూలు నిర్వహించి ప్రతిభ కనబర్చిన వారికి సీట్లు కేటాయిస్తారు.
హైదరాబాద్‌తో పాటు అహ్మదాబాద్‌, ఎస్‌ఎఎస్‌ నగర్‌ క్యాంపస్ లలో మాత్రమే ఎంబీఏ కోర్సు అందుబాటులో ఉంది.
పూర్తి వివరాలు, అప్ డేట్స్ కోసం: https://www.niperahm.ac.in/niperjee.htm
