ఎల్‌ఐసీలో ఉద్యోగాలు.. నేటి నుంచే అప్లికేషన్లు ప్రారంభం

లైఫ్ ఇన్సూరెన్స్ కార్పొరేషన్ (LIC).. అసిస్టెంట్ ఇంజనీర్ (AE),అసిస్టెంట్ అడ్మినిస్ట్రేటివ్ ఆఫీసర్ (AAO) పోస్టుల భర్తీకి నోటిఫికేషన్ విడుదల చేసింది. ఈ రిక్రూట్‌మెంట్ ద్వారా మొత్తం 491 ఖాళీలను భర్తీ చేయనున్నారు. ఇందులో 81 అసిస్టెంట్ ఇంజనీర్ పోస్టులు కాగా.. 410 పోస్టులు అసిస్టెంట్ అడ్మినిస్ట్రేటివ్ ఆఫీసర్ (AAO) పోస్టులు. బీటెక్, డిగ్రీ, సీఏ అర్హత కలిగిన అభ్యర్థులు ఈ పోస్టులకు అప్లై చేసుకోవచ్చు. నేటి నుంచి సెప్టెంబర్ 8వ తేదీ వరకు అభ్యర్థులు ఈ ఉద్యోగాల కోసం ఆన్ లైన్‌లో అప్లై చేసుకోవచ్చు. ఈ నోటిపికేషన్‌కు సంబంధించిన పూర్తి వివరాలను ఇప్పుడు తెలుసుకుందాం.

ముఖ్యమైన తేదీలు:
అప్లికేషన్ ప్రారంభ తేదీ: అభ్యర్థులు ఆగస్టు 16 వ తేదీ నుంచి అప్లై చేసుకునేందుకు అవకాశం ఉంటుంది.
చివరి తేదీ: సెప్టెంబర్ 8 వ తేదీ వరకు ఈ పోస్టులకు అప్లై చేసుకోవచ్చు.

ప్రిలిమ్స్ పరీక్ష తేదీ: అక్టోబర్ 3 వ తేదీన ఈ పోస్టులకు సంబంధించి ప్రిలిమ్స్ పరీక్ష నిర్వహించనున్నారు.

మెయిన్స్ పరీక్ష తేదీ: ఈ ఉద్యోగాలకు సంబంధించి మెయిన్స్ పరీక్ష నవంబర్ 8న జరగనుంది.

పోస్టుల వివరాలు:
మొత్తం 491 పోస్టులు ఉన్నాయి. ఇందులో.. అసిస్టెంట్ ఇంజనీర్ (AE) పోస్టులు 81 కాగా.. అసిస్టెంట్ అడ్మినిస్ట్రేటివ్ ఆఫీసర్ (AAO) పోస్టులు 410.

అసిస్టెంట్ ఇంజనీర్ (AE):

సివిల్ ఇంజనీర్: 50 పోస్టులు

ఎలక్ట్రికల్ ఇంజనీర్: 31 పోస్టులు

అసిస్టెంట్ అడ్మినిస్ట్రేటివ్ ఆఫీసర్ (AAO): 410

జనరలిస్ట్

ఐటీ

చార్టర్డ్ అకౌంటెంట్ (CA)

యాక్చురియల్

అర్హతలు:
పోస్టును బట్టి విద్యార్హతలు మారుతాయి.

AE పోస్టులకు: సంబంధిత విభాగంలో (సివిల్/ఎలక్ట్రికల్) ఇంజనీరింగ్ డిగ్రీ (B.E/B.Tech) ఉత్తీర్ణత కలిగి ఉండాలి.

AAO పోస్టులకు: ఏదైనా విభాగంలో డిగ్రీ (గ్రాడ్యుయేషన్). ఐటీ, చార్టర్డ్ అకౌంటెంట్ వంటి స్పెషలిస్ట్ పోస్టులకు సంబంధిత విభాగంలో ప్రత్యేక విద్యార్హతలు ఉండాలి.

వయస్సు: అభ్యర్థుల కనీస వయస్సు ఆగస్టు 1 నాటికి కనీస వయస్సు 21 సంవత్సరాలు, గరిష్ట 30 సంవత్సరాలు. ప్రభుత్వ నిబంధనల ప్రకారం రిజర్వేషన్ వర్గాలకు వయోపరిమితిలో సడలింపు ఉంటుంది.

ఎంపిక విధానం: ప్రిలిమినరీ పరీక్ష (Prelims), మెయిన్ పరీక్ష (Mains), ఇంటర్వ్యూ ఆధారంగా అభ్యర్థుల ఎంపిక జరుగుతుంది.

జీతం: ఎంపికైన అభ్యర్థులకు నెలకు దాదాపు రూ. 92,870 జీతం లభిస్తుంది.

ఎలా అప్లై చేయాలి ?

1. ముందుగా LIC అధికారిక వెబ్‌సైట్ licindia.inలోకి లాగిన్ అవ్వండి .
2. “Careers” లేదా “Recruitment” విభాగంలోకి వెళ్లి “LIC Assistant Engineer/AAO Recruitment 2025” నోటిఫికేషన్‌‌పై క్లిక్ చేయండి.
3. తర్వాత “Apply Online” లింక్‌పై క్లిక్ చేసి, రిజిస్ట్రేషన్ చేసుకోండి.
4. అవసరమైన వివరాలను, ఫోటో, సంతకాన్ని అప్‌లోడ్ చేసి, అప్లికేషన్ ఫీజు చెల్లించండి.
5. చివరగా అప్లికేషన్ ఫారమ్ సబ్మిట్ చేసి, ప్రింటౌట్ తీసుకోండి.

మరిన్ని వివరాల కోసం, అభ్యర్థులు LIC అధికారిక వెబ్‌సైట్‌licindia.inను సందర్శించవచ్చు.