దేశీయ బీమా రంగ దిగ్గజం అయిన లైఫ్ ఇన్సూరెన్స్ కార్పొరేషన్ ఆఫ్ ఇండియా (LIC) నిరుద్యోగులకు గుడ్ న్యూస్ చెప్పింది. పలు ఉద్యోగాలను భర్తీ చేయనున్నట్లు ప్రకటించింది. ఈ మేరకు తాజాగా నోటిఫికేషన్ (LIC Job Notification) విడుదల చేసింది. మొత్తం 300 ఖాళీలను భర్తీ చేయనున్నట్లు నోటిఫికేషన్లో పేర్కొంది. అసిస్టెంట్ అడ్మినిస్ట్రేటివ్ ఆఫీసర్ విభాగంలో ఈ ఖాళీలను (LIC Jobs) భర్తీ చేయనున్నట్లు నోటిఫికేషన్లో వెల్లడించారు. ఈ ఉద్యోగాలకు సంబంధించిన దరఖాస్తు ప్రక్రియ ఇప్పటికే ఈ నెల 15వ తేదీన ప్రారంభమైంది. దరఖాస్తు చేసుకోవడానికి ఈ నెల 31వ తేదీని ఆఖరి తేదీగా ప్రకటించింది ఎల్ఐసీ. అర్హత, ఆసక్తి కలిగిన అభ్యర్థులు ఆ తేదీలోగా తమ దరఖాస్తులను ఆన్లైన్ విధానంలో సమర్పించాల్సి ఉంటుంది.
విద్యార్హతలు:
అర్హత, ఆసక్తి కలిగిన అభ్యర్థులు ఏదైనా గుర్తింపు పొందిన యూనివర్సిటీ నుంచి డిగ్రీ లేదా అందుకు సమానమైన విద్యార్హత పొంది ఉండాలి. వయస్సు 21-30 ఏళ్లు ఉండాలి. వివిధ వర్గాల వారికి వయోపరిమితిలో సడలింపు ఇచ్చారు. ఆ వివరాలను నోటిఫికేషన్లో చూడొచ్చు.
READ THIS: నిరుద్యోగులకు అలర్ట్.. 14 వేల ఖాళీలకు వచ్చే నెలలోనే నోటిఫికేషన్.. తాజా అప్డేట్స్ ఇవే!
దరఖాస్తు ఫీజు:
దరఖాస్తు చేసుకునే సమయంలో జనరల్ అభ్యర్ధులు రూ.700, ఎస్సీ/ఎస్టీ/PWD అభ్యర్ధులు రూ.85 అప్లికేషన్ ఫీజుగా చెల్లించాల్సి ఉంటుంది.
అప్లికేషన్ డైరెక్ట్ లింక్: LINK
ఎంపిక ఇలా..
ప్రిలిమ్స్, మెయిన్స్, ఇంటర్వ్యూల ఆధారంగా అభ్యర్థుల ఎంపిక ఉంటుంది. ప్రిలిమ్స్ ఎగ్జామ్ ఫిబ్రవరి 17, 20 తేదీల్లో ఉంటుంది. మెయిన్స్ ఎగ్జామ్ మార్చి 18న నిర్వహించనున్నట్లు నోటిఫికేషన్లో పేర్కొన్నారు. ఎంపికైన వారికి నెలకు రూ.53,600- రూ.1,02,090 వేతనంగా చెల్లించనున్నారు.