తెలంగాణ పబ్లిక్ సర్వీస్ కమిషన్ వన్ టైమ్ రిజిస్ట్రేషన్(ఓటీఆర్) నంబర్ మిస్సయిందా..? డోంట్ వర్రీ.. ఓటీఆర్ నెంబర్ పోగొట్టుకున్న అభ్యర్థులందరి కోసం టీఎస్పీఎస్సీ (TSPSC) తమ వెబ్సైట్లో కొత్త ఆప్షన్ను అందుబాటులోకి తెచ్చింది.
అభ్యర్థులు టీఎస్పీఎస్సీ వెబ్సైట్లోకి వెళ్లి Know Your TSPSC ID అనే ఆప్షన్ను క్లిక్ చేసి ఆధార్ నంబర్, పుట్టిన తేది వివరాలను ఎంటర్ చేస్తే.. మీ ఓటీఆర్ నంబర్ కనిపిస్తుంది. వచ్చిన ఓటీఆర్ నంబర్ ఆధారంగా అభ్యర్థులు తమ వివరాలను ఎడిట్ చేసుకోవచ్చు.
తెలంగాణ ఏర్పడ్డాక టీఎస్పీఎస్సీ వెబ్సైట్లో 25 లక్షల మంది నిరుద్యోగులు వన్ టైమ్ రిజిస్ట్రేషన్ చేసుకున్నారు. ఇప్పుడు జాబ్ రిక్రూట్ మెంట్ అనౌన్స్మెంట్ తర్వాత టీఎస్పీఎస్సీ ఓటీఆర్ వివరాలు కొత్త జోన్లు, కొత్త జిల్లాలకు అనుగుణంగా ఎడిట్ చేసే ఆప్షన్ ఇచ్చింది. దీంతో ఇప్పటి వరకు 75,692 మంది పాత అభ్యర్థులు తమ స్థానికత , విద్యార్హతల వివరాలను మార్చుకున్నారు. 25,194 మంది కొత్త అభ్యర్థులు రిజిస్ట్రేషన్ చేసుకున్నారు.
మీరు మీ ఓటీఆర్ తెలుసుకోవాలంటే.. ఇక్కడ క్లిక్ చేయండి.. https://www.tspsc.gov.in/tspscIdAadharNo
