Homeవార్తలుటెన్త్‌తో ఐఏఆర్​ఐలో టెక్నీషియన్ పోస్టులు

టెన్త్‌తో ఐఏఆర్​ఐలో టెక్నీషియన్ పోస్టులు


పదో తరగతి విద్యార్హతతో ఇండియన్​ అగ్రికల్చర్​ రీసెర్చ్​ ఇన్​స్టిట్యూట్(ఐఏఆర్‌ఐ) 641 టెక్నీషియన్‌ పోస్టుల భర్తీకి నోటిఫికేషన్ రిలీజ్​ చేసింది. ఆన్‌లైన్‌ ఎగ్జామ్​లో వచ్చిన మార్కుల ఆధారంగా రిక్రూట్​మెంట్​ చేస్తారు. ఎంపికైనవారు లెవెల్‌-3 వేతనం అందుకోవచ్చు.

ఏడాది ట్రైనింగ్… జీతం రూ.35 వేలు

దేశవ్యాప్తంగా 64 ఐసీఏఆర్‌ కేంద్రాలు ఉన్నాయి. ఖాళీలను ఆయా కేంద్రాల వారీగా భర్తీ చేస్తారు. అయితే వీటికి ఎవరైనా పోటీ పడవచ్చు. ఎంపికైనవారికి ఏడాది పాటు శిక్షణ నిర్వహిస్తారు. ఈ వ్యవధిలో వీరిని టెక్నికల్‌ ట్రైనీగా పరిగణిస్తారు. దాన్ని విజయవంతంగా పూర్తిచేసుకున్నవారికి టెక్నీషియన్‌-1 హోదా కేటాయిస్తారు. వీరికి లెవెల్‌-3 కేంద్ర వేతనం అందుతుంది. అంటే రూ.21700 మూలవేతనానికి అదనంగా డీఏ, హెచ్‌ఆర్‌ఏ, ఇతర అలవెన్సులు ఉంటాయి. మొదటి నెల నుంచే రూ.35 వేలకు పైగా వేతనం అందుకోవచ్చు.

ఎగ్జామ్​ ప్యాటర్న్​


ఆన్‌లైన్‌లో వంద మార్కులకు పరీక్ష నిర్వహిస్తారు. ఇంగ్లిష్, హిందీ మీడియంలో క్వశ్చన్​ పేపర్​ ఉంటుంది. మొత్తం వంద ఆబ్జెక్టివ్‌ ప్రశ్నలు వస్తాయి. వీటిని 4 విభాగాల నుంచి అడుగుతారు. జనరల్‌ నాలెడ్జ్, మ్యాథమేటిక్స్, సైన్స్, సోషల్‌ సైన్సెస్‌లో ఒక్కో విభాగం నుంచి 25 చొప్పున ప్రశ్నలు వస్తాయి. పరీక్ష వ్యవధి 90 నిమిషాలు. ప్రతి ప్రశ్నకూ ఒక మార్కు. నెగెటివ్​ మార్కింగ్​ ఉంటుంది. తప్పు సమాధానానికి పావు మార్కు చొప్పున తగ్గిస్తారు. పరీక్షలో అర్హత సాధించాలంటే యూఆర్‌లు 40, ఎస్సీ, ఓబీసీ ఎన్‌సీఎల్, ఈడబ్ల్యుఎల్‌లు 30, ఎస్టీలు 25 మార్కులు పొందడం తప్పనిసరి.

సిలబస్​

జనరల్‌ నాలెడ్జ్‌:
వర్తమానాంశాల నుంచి ప్రశ్నలు వస్తాయి. ముఖ్యంగా భారత్, పొరుగు దేశాలకు సంబంధించి అడుగుతారు. చరిత్ర, సంస్కృతి, జాగ్రఫీ, ఎకనామిక్‌ సైన్స్, జనరల్‌ పాలసీ అండ్‌ సైంటిఫిక్‌ రిసెర్చ్‌ విభాగాల్లో వీటిని అడుగుతారు. గత 9 నెలల ముఖ్యాంశాలను బాగా చదువుకుంటే సరిపోతుంది.

మ్యాథ్స్‌: ఈ విభాగంలో ప్రశ్నలు పదో తరగతి స్థాయిలో ఉంటాయి. నంబర్‌ సిస్టమ్, అరిథ్‌మెటికల్‌ ఆపరేషన్స్, ఆల్జీబ్రా, జామెట్రీ, మెన్సురేషన్, ట్రిగనోమెట్రీ, స్టాటిస్టికల్‌ చార్టుల నుంచి వీటిని అడుగుతారు.

సైన్స్‌: ఈ ప్రశ్నలూ పదో తరగతి స్థాయిలోనే ఉంటాయి. ఫిజికల్‌ కెమికల్‌ సబ్‌ స్టాన్సెస్‌- నేచర్‌ అండ్‌ బిహేవియర్, వరల్డ్‌ ఆఫ్‌ లివింగ్, నేచురల్‌ ఫినామినన్, నేచురల్‌ రిసోర్సెస్‌ అంశాల్లో ఇవి ఉంటాయి.

సోషల్‌ సైన్స్‌: ఇవీ పదో తరగతి స్థాయిలోనే ఉంటాయి. భారత దేశం, ప్రపంచానికి సంబంధించి ఆర్థిక రాజకీయ అంశాలు, అభివృద్ధి, విపత్తు నిర్వహణ మొదలైన వాటిలో ప్రశ్నలుంటాయి.

దరఖాస్తులు: ఆన్​లైన్​లో అప్లై చేసుకోవాలి.

చివరితేది: 20 జనవరి

ఎగ్జామ్స్​: జనవరి 25 నుంచి ఫిబ్రవరి 5 వరకు ఉంటాయి.

పరీక్ష కేంద్రాలు:హైదరాబాద్, కరీంనగర్, ఖమ్మం, నల్గొండ, వరంగల్‌.

అప్లికేషన్​ ఫీజు: ఎస్సీ, ఎస్టీ, దివ్యాంగులు, మహిళలకు రూ.300. మిగిలిన అందరికీ రూ.వెయ్యి.

ఖాళీలు: మొత్తం 641 ఉన్నాయి. వీటిలో 286 అన్‌ రిజర్వ్‌డ్, 61 ఈడబ్ల్యుఎస్, 93 ఎస్సీ, 68 ఎస్టీ, 133 ఓబీసీ (ఎన్‌సీఎల్‌)కు కేటాయించారు.

అర్హత: పదో తరగతి ఉత్తీర్ణత

వయసు: జనవరి 10, 2022 నాటికి కనిష్టంగా 18 నుంచి గరిష్టంగా 30 ఏళ్లలోపు ఉండాలి. ఎస్సీ, ఎస్టీలకు అయిదేళ్లు, ఓబీసీలకు మూడేళ్లు, దివ్యాంగులకు పదేళ్లు గరిష్ఠ వయసులో సడలింపు వర్తిస్తుంది.

వెబ్‌సైట్‌: www.iari.res.in

Advertisement

RECENT POSTS

LEAVE A REPLY

Please enter your comment!
Please enter your name here

x
error: Content is protected !!