టెన్త్ అర్హతతో.. ఇంటెలిజెన్స్ బ్యూరో ఉద్యోగాలు, రేపటి నుంచే అప్లికేషన్లు

దేశ అంతర్గత భద్రతలో కీలక పాత్ర పోషించే ఇంటెలిజెన్స్ బ్యూరో (IB), మల్టీ టాస్కింగ్ స్టాఫ్ (జనరల్ MTS) పోస్టుల భర్తీకి నోటిఫికేషన్‌ను విడుదల చేసింది. ఈ రిక్రూట్‌మెంట్ ద్వారా దేశ వ్యాప్తంగా వివిధ అనుబంధ నిఘా బ్యూరో (SIB)లలో ఖాళీగా ఉన్న 362 పోస్టులను భర్తీ చేయనున్నారు. టెన్త్ ఉత్తీర్ణులైన అభ్యర్థులు ఈ ఉద్యోగాలకు అప్లై చేసుకోవచ్చు. రేపటి (నవంబర్ 22) నుంచి అభ్యర్థులు డిసెంబర్ 14 వరకు ఆన్ లైన్ లో అప్లై చేసుకోవాల్సి ఉంటుంది. ఈ నోటిఫికేషన్‌కు సంబంధించిన పూర్తి వివరాలను ఇప్పుడు తెలుసుకుందాం.

పూర్తి వివరాలు:

సంస్థ పేరు-ఇంటెలిజెన్స్ బ్యూరో (IB)

పోస్ట్ – మల్టీ టాస్కింగ్ స్టాఫ్ (జనరల్) MTS

మొత్తం పోస్టులు-362

ఖాళీల వివరాలు:

హైదరాబాద్- 8

విజయవాడ-2

బెంగళూరు-6

చెన్నై-10

ముంబై- 22

ఢిల్లీ-108

విద్యార్హత:

అభ్యర్థులు గుర్తింపు పొందిన బోర్డు నుంచి టెన్త్ లేదా తత్సమాన అర్హత కలిగి ఉండాలి.

వయస్సు (14-12-2025 నాటికి): అభ్యర్థుల కనీస వయస్సు 18- 25 ఏళ్ల లోపు ఉండాలి. ప్రభుత్వ నిబంధనల ప్రకారం వయో సడలింపు వర్తిస్తుంది.

జీతం: రూ. 18,000 – 56,900 వరకు జీతం చెల్లిస్తారు. ఇతర అలవెన్సులు కూడా ఉంటాయి.

ఎంపిక విధానం:

ఎంపిక ప్రధానంగా రెండు విధాలుగా జరుగుతుంది.

1. టైర్-I పరీక్ష (ఆన్‌లైన్ – ఆబ్జెక్టివ్ MCQ)

ప్రశ్నలు: 100 ప్రశ్నలు (ప్రతి ప్రశ్నకు 1 మార్కు).

సబ్జెక్టులు: జనరల్ అవేర్‌నెస్, క్వాంటిటేటివ్ ఆప్టిట్యూడ్, రీజనింగ్, ఇంగ్లీష్.

నెగెటివ్ మార్కింగ్: ప్రతి తప్పు సమాధానానికి 1/4 మార్కుల మైనస్ చేస్తారు.

2. టైర్-II పరీక్ష (డిస్క్రిప్టివ్ టెస్ట్)

సబ్జెక్ట్: ఇంగ్లీష్ లేదా స్థానిక భాషలో పేరా రైటింగ్, పదజాలం, వ్యాకరణం.

మార్కులు: 50 మార్కులు (అర్హత మార్కులు: 20).

షార్ట్‌లిస్ట్: టైర్-II కోసం ఖాళీల సంఖ్యకు 10 రెట్లు అభ్యర్థులను షార్ట్‌లిస్ట్ చేస్తారు.

పైనల్ లిస్ట్: టైర్-I పరీక్షలో పొందిన మార్కుల ఆధారంగా ఫైనల్ మెరిట్ లిస్ట్ తయారు చేస్తారు. దీని తర్వాత డాక్యుమెంట్ వెరిఫికేషన్, మెడికల్ ఎగ్జామినేషన్ జరుగుతాయి.

ఎలా అప్లై చేయాలి ?

అభ్యర్థులు MHA వెబ్‌సైట్ (https://mha.gov.in/) ద్వారా మాత్రమే ఆన్‌లైన్‌లో అప్లై చేసుకోవాలి.

రిజిస్టేషన్: MHA వెబ్‌సైట్‌లో రిక్రూట్‌మెంట్ ఆప్షన్‌పై క్లిక్ చేసి.. వ్యక్తిగత, విద్యార్హతకు సంబంధించిన వివరాలను జాగ్రత్తగా ఎంటర్ చేయండి.

డాక్యుమెంట్ అప్‌లోడ్: తర్వాత అవసరమైన డాక్యుమెంట్స్, ఫోటో అప్‌లోడ్ చేయండి.

ఫీజు: SBI Epay (కార్డ్/UPI/నెట్ బ్యాంకింగ్ లేదా SBI చలాన్) ద్వారా ఫీజు చెల్లించండి.తర్వాత సబ్మిట్ చేసి ప్రింట్ తీసుకోండి.