హైదరాబాద్‌ ప్రధాన కేంద్రంగా పనిచేస్తున్న ఎలక్ట్రానిక్స్ కార్పొరేషన్ ఆఫ్ ఇండియా లిమిటెడ్ (ఈసీఐఎల్) జూనియర్ టెక్నీషియన్ పోస్టుల భ‌ర్తీకి నోటిఫికేషన్ విడుద‌ల చేసింది. ఈ నోటిఫికేషన్ ద్వారా కాంట్రాక్ట్ ప్రాతిపదికన 1625 ఖాళీలను భర్తీ చేయనున్నారు. ఈ పోస్టులకు సంబంధించి దరఖాస్తులు ఆన్లైన్లో ఏప్రిల్ 11 వరకు చేసుకోవచ్చు.
పోస్టులకు ఎంపికైన అభ్యర్థుల‌కు పోస్టు బట్టి రూ.20,480 నుంచి రూ. 24,780 వరకు నెల‌వారీ వేత‌నం ఉంటుంది. అర్హత, ఆసక్తిగల అభ్యర్థులు ఆన్‌లైన్‌ ద్వారా ఏప్రిల్ 11 వరకు దరఖాస్తు చేసుకోవచ్చు. ఇక ఈ పోస్టులకు దరఖాస్తు చేసుకోవాలనుకునే అభ్యర్థుల వయసు 30 ఏళ్లకు మించకూడదు.
పోస్టులు:
ఎలక్ట్రానిక్స్ మెకానిక్- 814 పోస్టులు.. జీతం: రూ. 20,480,
ఎలక్ట్రిషియన్- 184 పోస్టులు.. జీతం: రూ. 22,528,
ఫిట్టర్- 627 పోస్టులు.. జీతం రూ. 24,780
గుర్తింపు పొందిన యూనివర్సిటీ నుంచి ఎలక్ట్రానిక్స్ మెకానిక్ /ఎలక్ట్రీషియన్ /ఫిట్టర్ ట్రేడ్‌లో 2 సంవత్సరాల ఐటీఐ సర్టిఫికేట్ ఉండాలి.
సెలెక్షన్ ప్రాసెస్: అభ్యర్థుల నుంచి అప్లికేషన్స్ తీసుకొని, మెరిట్ ఆధారంగా 1:4 అభ్యర్థుల‌ను షార్ట్ లిస్ట్ చేస్తారు. అనంతరం హైదరాబాద్‌లో నిర్వహించే డాక్యుమెంట్ వెరిఫికేష‌న్ అనంతరం పోస్టింగ్ ఇస్తారు. ఈ నోటిఫికేష‌న్‌కు సంబంధించిన పూర్తి వివ‌రాలు, దరఖాస్తు ప్రక్రియ కోసం అధికారిక వెబ్‌సైట్ www.careers.ecil.co.in ను సంప్రదించాలి.
