గ్రూప్ 2, 3, 4 సర్వీసుల్లో కొత్తగా చేర్చిన పోస్టులతో.. ఎన్ని ఖాళీలు పెరుగుతాయనేది నిరుద్యోగుల్లో ఆసక్తి రేపుతోంది. కొత్తగా ప్రభుత్వం జారీ చేసిన జీవో నె.136 ప్రకారం.. ఇప్పటివరకు ఇతర కేటగిరీల్లో ఉన్న పలు పోస్టులు గ్రూప్ 2, 3, 4 సర్వీసుల జాబితాలో చేరినట్లయింది. దీంతో ఇప్పటికే ప్రభుత్వం ప్రకటించిన ఖాళీల సంఖ్య పెరగనుంది. టీఎస్పీఎస్సీ ప్రతిపాదించిన మేరకు ఈ పోస్టుల సవరణ పూర్తి కావటంతో వీటికి అనుగుణంగానే గ్రూప్2, గ్రూప్ 3, గ్రూప్ 4 నోటిఫికేషన్లు వెలువడనున్నాయి. డిసెంబర్లో గ్రూప్ 2, గ్రూప్ 4 నోటిఫికేషన్ ఇచ్చే అవకాశమున్నట్లు టీఎస్పీఎస్సీ వర్గాలు చెబుతున్నాయి.
గ్రూప్ 2 కింద 663 పోస్టులు, గ్రూప్ 3 కింద 1363 పోస్టులకు అనుమతి ఇస్తూ ఆగస్టులోనే ఆర్థిక శాఖ ఆమోదం తెలిపింది. కొత్తగా కలిసిన పోస్టులతో గ్రూప్ 2 లో మరో 100 నుంచి 150 పోస్టులు పెరిగే అవకాశముంది. వీటికి సంబంధించిన రోస్టర్ పాయింట్లను కూడా ఆయా విభాగాలు టీఎస్పీఎస్సీకి అందించాయి. అసిస్టెంట్ వెల్ఫేర్ ఆఫీసర్ పోస్టులు బీసీ సంక్షేమ శాఖలో 17 పోస్టులు, ఎస్సీ సంక్షేమ శాఖలో 17, ఎస్టీ సంక్షేమ శాఖలో 9 పోస్టులు ఖాళీగా ఉన్నాయి. దీంతో 49 అసిస్టెంట్ వెల్ఫేర్ ఆఫీసర్ పోస్టులు కొత్తగా చేరినట్లయింది. మహిళా శిశు సంక్షేమ శాఖ పరిధిలోని జువైనల్ సర్వీస్ విభాగంలో 11 డిస్ట్రిక్ట్ ప్రొబేషన్ ఆఫీసర్ పోస్టులు ఖాళీగా ఉన్నాయి. వీటితో పాటు అసిస్టెంట్ సెక్షన్ ఆఫీసర్ పోస్టులు కలిపితే.. ఈ ఖాళీల సంఖ్య వంద దాటుతుంది. దీంతో గ్రూప్ 2 పోస్టులు 663 నుంచి 750–800 వరకు చేరుకునే అవకాశముందని ప్రభుత్వ వర్గాలు అంచనాగా చెబుతున్నాయి. గ్రూప్ 3, గ్రూప్ 4 లోనూ ఖాళీల సంఖ్య పెరుగుతుందని.. ఈ రెండింటిలో చేరిన కొత్త పోస్టులు, ఉన్న ఖాళీల ప్రకారం వీటిలోనూ మరో 50 నుంచి 100 పోస్టులు పెరుగుతాయని ఆఫీసర్లు చెబుతున్నారు.
ఆగస్టులో ఆర్థిక శాఖ ఆమోదించిన పోస్టులు
గ్రూప్ 2, గ్రూప్ 3 పోస్టులతో పాటు వివిధ శాఖల్లో ఖాళీల భర్తీకి అనుమతిస్తూ ఆర్థిక శాఖ ఆగస్టులోనే ఉత్తర్వులు జారీ చేసింది. (పూర్తి జాబితా పోస్టు చివరలో ఉంది) డైరెక్ట్ రిక్రూట్మెంట్ విధానంలో టీఎస్పీఎస్సీ వీటిని భర్తీ చేస్తుందని ప్రకటించింది.
| గ్రూప్ 3 | 1373 |
| గ్రూప్ 2 | 663 |
| అగ్రికల్చర్ | 347 |
| వెటర్నరీ | 294 |
| కో ఆపరేటివ్ | 99 |
| గోడౌన్స్ | 50 |
| సీడ్ సర్టిఫికేషన్ | 25 |
| హర్టికల్చర్ | 21 |
| ఫిషరీస్ | 15 |
| ఎలక్ట్రిసిటీ | 11 |
| మార్కెటింగ్ | 12 |
గ్రూప్ 2 లో చేర్చిన పోస్టులు
