ఫుట్​ వేర్​ డిజైన్​లో బ్యాచులర్​ డిగ్రీ, పీజీ కోర్సుల నోటిపికేషన్​ వెలువడింది. ఫుట్​వేర్​ డిజైన్​ అండ్​ డెవలప్​మెంట్​ ఇనిస్టిట్యూట్​ (FDDI) 2022–23 విద్యా సంవత్సరానికి వివిధ కోర్సుల్లో అడ్మిషన్లను చేపడుతోంది. ఆల్​ ఇండియా సెలెక్షన్​ టెస్ట్​ (AIST) ద్వారా ఈ అడ్మిషన్లు చేపడుతారు. అందుకు సంబంధించిన నోటిఫికేషన్‌ వెలువడింది. హైదరాబాద్​తో పాటు నోయిడా, పుర్సత్​, చంఢీగడ్​, అంకలేశ్వర్​, గుణ, చెన్నై, పట్నా, కోల్​కతా, రోహ్​తక్​, చింద్వారా, జోధ్‌పూర్​ నగరాల్లో ఎఫ్​డీడీఐ క్యాంపస్​లు ఉన్నాయి. ​

డిగ్రీ కోర్సులు​
డిగ్రీలో బ్యాచ్​లర్​ ఆఫ్​ డిజైన్‌లో ఫుట్​వేర్​ డిజైన్​ అండ్​ ప్రొడక్షన్​, లెదర్​ గూడ్స్​ అండ్​ అక్సెసరీస్​, ఫ్యాషన్​ డిజైన్​ కోర్సులు అందుబాటులో ఉన్నాయి. బ్యాచ్​లర్​ ఆఫ్​ బిజినెస్​ అడ్మినిస్ట్రేషన్​లో ‘రిటైల్​ అండ్​ మర్చండైజ్​’ కోర్సు అందుబాటులో ఉంది. బ్యాచ్​లర్​ డిగ్రీలో చేరేందుకు ఏదేని గ్రూపులో ఇంటర్మీడియేట్​ ఉత్తీర్ణులైన వారు అర్హులు. ఫైనల్​ ఇయర్​ చదువుతున్న స్టూడెంట్స్​ కూడా అప్లై చేసుకోవచ్చు. వయసు 25 ఏళ్లకు మించకుండా ఉండాలి. ప్రతి క్యాంపస్​లో 60 సీట్లు ఉంటాయి.

పీజీ కోర్సులు
మాస్టర్​ డిగ్రీ ప్రోగ్రామ్​లో భాగంగా మాస్టర్​ ఆఫ్​ డిజైన్​లో ఫుట్​వేర్​ డిజైన్​ కోర్సు… నోయిడా, చెన్నై క్యాంపస్​లలో మాత్రమే అందుబాటులో ఉంది. మొత్తం 120 సీట్లు అందుబాటులో ఉన్నాయి. ఫుట్​వేర్​ డిజైన్​లో డిగ్రీ పూర్తి చేసిన వారు అర్హులు. ‘మాస్టర్​ ఆఫ్​ బిజినెస్​ అడ్మినిస్ట్రేషన్​’ నోయిడా, పట్నా, హైదరాబాద్​, చంఢీగడ్​ క్యాంపస్​లలో అందుబాటులో ఉంది. ప్రతి క్యాంపస్​లో 60 సీట్లు ఉన్నాయి. డిగ్రీ ఉత్తీర్ణులు అర్హులు. వయోపరిమితి లేదు. ఏఐఎస్​టి స్కోర్​ ఆధారంగా సీట్లు కేటాయిస్తారు.

ఆసక్తి గల అభ్యర్థులు ఆన్​లైన్​లో దరఖాస్తు చేసుకునేందుకు ఏప్రిల్​ 28 చివరితేది. ఎంట్రెన్స్​ జూన్​ 19న నిర్వహిస్తారు. పరీక్షా కేంద్రాలు హైదరాబాద్​, విశాఖపట్నంలో అందుబాటులో ఉన్నాయి.
వెబ్​సైట్​ : www.fddiindia.com

AVAILABLE COURSES AT FDDI HYDERABAD