స్కూళ్ల రీఓపెన్​పై కీలక నిర్ణయం

తెలంగాణలో స్కూళ్లో రీ ఓపెనింగ్​పై ప్రభుత్వం కీలక నిర్ణయం తీసుకుంది. కరోనా థర్డ్ వేవ్​ కారణంగా ఈ నెల 30 వరకు రాష్ట్ర వ్యాప్తంగా స్కూళ్లు, కాలేజీలు, అన్ని విద్యా సంస్థలకు ఈ నెల 30 వరకు సెలవులు ఇచ్చిన విషయం తెలిసిందే. ఆదివారంతో ఈ గడువు ముగియనుండటంతో మరో వారం రోజులు సెలవులు పొడిగిస్తుందనే ఊహాగానాలు మొదలయ్యాయి. రాష్ట్రంలో క్రమంగా కరోనా తగ్గుముఖం పడుతుండటంతో విద్యా సంస్థలను ఓపెన్​ చేసుకోవచ్చని వైద్య శాఖ సలహా ఇచ్చింది. వీటన్నింటినీ పరిశీలించిన ప్రభుత్వం ప్రైమరీ స్కూల్స్ ను మినహాయించి మిగతా తరగతులు, కాలేజీలు, యూనివర్సిటీలన్నీ రీఓపెన్​ చేయాలని ఆదేశాలు జారీ చేసింది. అందుకు సంబంధించిన అధికారిక ప్రకటన కాసేపట్లో వెలువడనుంది. జనవిరి 31 నుంచి ప్రైమరీ స్కూల్స్​ తప్ప అన్ని విద్యా సంస్థల రీ ఓపెనింగ్​కు అనుమతించనున్నట్లు విద్యా శాఖ వర్గాలు అధికారికంగా ధ్రువీకరించాయి. కరోనా తగ్గుముఖం పడుతున్నప్పటికీ అన్ని స్కూళ్లు, కాలేజీల్లో కఠినంగా నిబంధనలు అమలు చేయాలని ప్రభుత్వం విద్యాశాఖను ఇప్పటికే అప్రమత్తం చేసింది. రాష్ట్రంలోని గురుకుల పాఠశాలలు, గురుకుల కాలేజీలు కూడా 31 వ తేదీ నుంచి తెరుచుకోనున్నాయి.