తెలంగాణ ఈసెట్ ఫలితాలు విడుదలయ్యాయి. పాలిటెక్నిక్ డిప్లొమా, బీఎస్సీ విద్యార్థులు లేటరల్ ప్రవేశం ద్వారా బీటెక్, బీ ఫార్మసీ సెకండియర్ ప్రవేశానికి నిర్వహించిన ఇంజనీరింగ్ కామన్ ఎంట్రన్స్ టెస్ట్ ఫలితాలను కొద్దిసేపటి క్రితమే విడుదల చేశారు. సోమవారం మధ్యాహ్నం 12.30 గంటలకు ఉన్నత విద్యామండలి కార్యాలయంలో ఆ సంస్థ చైర్మన్ లింబాద్రి ఈ రిజల్ట్స్ ను విడుదల చేశారు. అయితే మే 6న మొత్తం 99 కేంద్రాల్లో ఈ ఎంట్రన్స్ ను నిర్వహించారు. 24,272 మంది అభ్యర్థులు ఈసెట్ పరీక్షకు అప్లయ్ చేసుకున్నారు. ఉస్మానియా యూనివర్సిటీ ఆధ్వర్యంలో ఈసెట్ పరీక్షలను నిర్వహించారు. పరీక్ష రాసిన విద్యార్థులు https://ecet.tsche.ac.in/ వెబ్ సైట్ ద్వారా ఫలితాలను చెక్ చేసుకోవచ్చని ఉన్నత విద్య మండలి అధికారులు తెలిపారు.
