2022-23 విద్యాసంవత్సరానికి సంబంధించి ఎంసెట్, ఈసెట్, ఐసెట్, పీజీసెట్, ఎడ్సెట్, లాసెట్ ప్రవేశ పరీక్షల క్యాలెండర్ను జనవరి నెలాఖరులోగా ప్రకటించేందుకు రాష్ట్ర ఉన్నత విద్యామండలి కసరత్తు చేస్తోంది.
కరోనా కారణంగా ఈ ఏడాది సెట్ల నిర్వహణ ఆలస్యం కావడంతో ఇంకా సీట్ల కేటాయింపు ప్రక్రియ కొనసాగుతున్న విషయం తెలిసిందే. అలాకాకుండా వచ్చే ఏడాది సకాలంలో సెట్లను నిర్వహించి అనుకున్న సమయానికి విద్యార్థులకు తరగతులను ప్రారంభించేందుకు చర్యలు చేపడుతున్నారు.
ఇందులో భాగంగా జనవరి 15 లోగా యూనివర్సిటీల వీసీలకు లేఖలు రాయాలని ఉన్నత విద్యామండలి నిర్ణయించింది. దీంతో ఏ సెట్ను ఏ యూనివర్సిటీ అప్పగించాలి, ఎవరిని సెట్ కన్వీనర్గా నియమించాలనే విషయంపై ఒక నిర్ణయానికి రానున్నారు.
ఎంసెట్పై ఫోకస్
ప్రధానంగా ఇంజినీరింగ్, అగ్రికల్చర్ కోర్సుల కోసం నిర్వహించే ఎంసెట్పై అధికారులు దృష్టి పెట్టనున్నారు. అదేవిధంగా డిమాండ్ లేని కోర్సులను తొలగించే ఆలోచనలో ఉన్నట్టు తెలుస్తోంది. జనవరిలోగా సెట్స్ క్యాలెండర్ విడుదల చేస్తే సకాలంలో ఎంసెట్, ఈసెట్, ఐసెట్, పీజీసెట్, ఎడ్సెట్, లాసెట్ అడ్మిషన్ల ప్రక్రియ జరుగుతుందని ఉన్నత విద్యామండలి ధీమా వ్యక్తం చేస్తోంది.
నీలిట్లో కాంట్రాక్ట్ బేసిక్ పోస్టులు
ఢిల్లీలోని నేషనల్ ఇనిస్టిట్యూట్ ఆఫ్ ఎలక్ట్రానిక్స్ అండ్ ఇన్ఫర్మేషన్ టెక్నాలజీ నీలిట్లో కాంట్రాక్ట్ బేసిస్లో అసిస్టెంట్ ప్రోగ్రామర్, నెట్వర్క్ ఇంజినీర్, సీనియర్ ప్రోగ్రామర్ తదితర పోస్టుల భర్తీకి నోటిఫికేషన్ విడుదల చేసింది. పోస్టులను బట్టి బీఈ, బీటెక్, ఎంఈ, ఎంటెక్ ఉత్తీర్ణత సాధించిన వారు అర్హులు. అభ్యర్థులకు టెక్నికల్ నాలెడ్జ్తో పాటు పని అనుభవం తప్పనిసరి. రాత పరీక్ష, ఇంటర్వ్యూ, డాక్యుమెంట్ వెరిఫికేషన్ ఆధారంగా ఎంపిక ప్రక్రియ నిర్వహిస్తారు. ఆన్లైన్ ద్వారా అప్లై చేసేందుకు జనవరి 09 చివరితేది.
వెబ్సైట్ : www.nielit.gov.in
బీహెచ్ఈఎల్లో ఇంజినీర్ జాబ్స్
నాగ్పూర్లోని బీహెచ్ఈఎల్లో సివిల్ ఇంజినీర్, సూపర్వైజర్ పోస్టుల భర్తీకి నోటిఫికేషన్ విడుదలైంది. డిప్లొమా, బీఈ/బీటెక్ ఉత్తీర్ణత సాధించిన వారు ఈ పోస్టులకు అర్హులు. మెరిట్, షార్ట్లిస్టింగ్, ఇంటర్వ్యూ ఆధారంగా ఎంపిక ప్రక్రియ నిర్వహిస్తారు. ఆన్లైన్ ద్వారా దరఖాస్తు చేసుకునేందుకు జనవరి 11 చివరితేదీ. ఆఫ్లైన్ ద్వారా దరఖాస్తులు పంపించేందుకు చివరి తేదీ జనవరి 14 వరకు అప్లై చేసుకోవచ్చు.
వెబ్సైట్: www.pswr.bhel.com
భారత ఎలక్ట్రానిక్స్ లిమిటెడ్లో ట్రెయినీ ఇంజినీర్స్
బెంగళూర్లోని భారత ఎలక్ట్రానిక్స్ లిమిటెడ్లో తాత్కాలిక ప్రాతిపదికన ట్రెయినీ ఇంజినీర్ పోస్టుల భర్తీకి నోటిఫికేషన్ విడుదలైంది. అభ్యర్థులు సంబంధిత సబ్జెక్టుల్లో బీఈ/బీటెక్ ఉత్తీర్ణత, పని అనుభవంతో పాటు వయసు 28 ఏళ్లు మించకుండా ఉండాలి. మెరిట్, ఇంటర్వ్యూ ఆధారంగా ఎంపిక ప్రక్రియ నిర్వహిస్తారు. ఆఫ్లైన్ ద్వారా దరఖాస్తు చేసుకునేందుకు జనవరి 15 చివరితేదీ.
వెబ్సైట్ www.bel.india.in
ఎన్ఎమ్డీసీలో అప్రెంటిస్ ఖాళీలు
హైదరాబాద్లోని నేషనల్ మినరల్ డెవలప్మెంట్ కార్పొరేషన్లో మెకానికల్, ఇంజినీరింగ్, ఎలక్ట్రికల్ అండ్ ఎలక్ట్రానిక్స్, మైనింగ్, సివిల్ విభాగాల్లో అప్రెంటిస్ ఖాళీల భర్తీకి నోటిఫికేషన్ విడుదలైంది. మొత్తం 59 ఖాళీలున్నాయి. సంబంధిత ట్రేడుల్లో ఐటీఐ, ఇంజినీరింగ్, డిప్లొమా, బీఈ/బీటెక్ ఉత్తీర్ణత కలిగిన వారు అర్హులు. ఇంటర్వ్యూ ఆధారంగా ఎంపిక ప్రక్రియ నిర్వహిస్తారు. జనవరి 20 నుంచి 25 వరకు ఇంటర్వ్యూలు నిర్వహించనున్నారు.
వెబ్సైట్ : www.nmdc.co.in
