డిఫెన్స్ రీసెర్చ్ అండ్ డెవలప్మెంట్ ఆర్గనైజేషన్ (DRDO),సెంటర్ ఫర్ పర్సనల్ టాలెంట్ మేనేజ్మెంట్ (CEPTAM) ద్వారా పలు పోస్టుల భర్తీకి నోటిఫికేఫన్ విడుదల చేసిన సంగతి తెలిసిందే. ఈ నోటిఫికేషన్ ద్వారా 764 సీనియర్ టెక్నికల్ అసిస్టెంట్-బి (STA-B), టెక్నీషియన్-ఎ (Tech-A) పోస్టులను భర్తీ చేయనున్నారు. పోస్టును బట్టి విద్యార్హత నిర్ణయించారు. 18 నుంచి 28 ఏళ్ల మధ్య వయస్సు ఉన్న వారు ఈ ఉద్యోగాలకు అప్లై చేసుకోవచ్చు. ఆసక్తి, అర్హత కలిగిన అభ్యర్థులు జనవరి 11వ తేదీ వరకు ఆన్లైన్లో అప్లై చేసుకోవడానికి అవకాశం ఉంటుంది.
పూర్తి వివరాలు:
మొత్తం పోస్టులు : 764
విభాగాల వారిగా పోస్టులు..
సీనియర్ టెక్నికల్ అసిస్టెంట్-బి (STA-B)- 561 పోస్టులు
టెక్నీషియన్-ఎ (Tech-A)- 203 పోస్టులు
ముఖ్యమైన తేదీలు:
అప్లికేషన్ చివరి తేదీ: జనవరి 11 వ తేదీ వరకు అభ్యర్థులు అప్లై చేసుకోవడానికి అవకాశం ఉంటుంది.
ఫీజు చెల్లింపు చివరి తేదీ: జనవరి 13 వరకు ఫీజు చెల్లించవచ్చు.
విద్యార్హతలు:
సీనియర్ టెక్నికల్ అసిస్టెంట్-బి: సంబంధిత సబ్జెక్టులో B.Sc లేదా ఇంజనీరింగ్లో 3 ఏళ్ల డిప్లొమా పూర్తి చేసి ఉండాలి.
టెక్నీషియన్-ఎ: టెన్త్ అర్హతతో పాటు సంబంధిత ట్రేడ్లో ITI సర్టిఫికేట్ కలిగి ఉండాలి.
ముఖ్య గమనిక: B.E, B.Tech, M.Sc, Ph.D వంటి ఉన్నత విద్యార్హతలు కలిగిన వారు ఈ పోస్టులకు అనర్హులు.
వయస్సు: అభ్యర్థుల వయస్సు 18 నుంచి 28 సంవత్సరాల మధ్య ఉండాలి. ప్రభుత్వ నిబంధనల ప్రకారం ఎస్సీ/ఎస్టీలకు 5 ఏళ్లు, ఓబీసీలకు 3 ఏళ్ల వయో సడలింపు ఉంటుంది.
జీతం:
సీనియర్ టెక్నికల్ అసిస్టెంట్-బి (Level 6)పోస్టులు: ఎంపికైన అభ్యర్థులకు జీతం రూ. 35,400 నుంచి రూ. 1,12,400 వరకు ఉంటుంది.
టెక్నీషియన్-ఎ పోస్టులు: ఎంపికైన అభ్యర్థులకు జీతం రూ. 19,900 నుంచి రూ. 63,200 వరకు ఉంటుంది.
అప్లికేషన్ ఫీజు: సాధారణ/ఓబీసీ/ఈడబ్ల్యూఎస్ అభ్యర్థులకు రూ. 100 లేదా రూ. 250 ఫీజుతో పాటు రూ. 500 రీఫండబుల్ ఫీజు ఉంటుంది. ఈ రూ. 500 అభ్యర్థి Tier-I పరీక్షకు హాజరైతే తిరిగి చెల్లిస్తారు. ఎస్సీ, ఎస్టీ, మహిళలు, దివ్యాంగులకు ప్రాసెసింగ్ ఫీజు నుంచి మినహాయింపు ఉంది.
ఎంపిక విధానం:
ఎంపిక ప్రధానంగా రెండు దశల్లో ఉంటుంది.
Tier-I (CBT): కంప్యూటర్ ఆధారిత రాత పరీక్ష.
Tier-II (CBT/Trade Test): STA-B కి డిస్క్రిప్టివ్ లేదా ట్రేడ్ టెస్ట్/స్కిల్ టెస్ట్ ఉంటుంది. చివరగా మెడికల్ ఫిట్నెస్,డాక్యుమెంట్ వెరిఫికేషన్ ఆధారంగా తుది ఎంపిక జరుగుతుంది.
పూర్తి వివరాల కోసం అభ్యర్థులు అధికారిక వెబ్ సైట్ సంప్రదించవచ్చు.
